Read Hakha Chin ISAIAH 28 Bible Online

ISAIAH 28 - Hakha Chin bible

ISAIAH 28

¹Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

²Anmah dohtu dingah a òhawng i a liannganmi pakhat BAWIPA nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

³Efraim mi zu rit buin a hruai zungzalmi haotu pawl nih an i uanthlarmi pangpar òhi rual kha vawlei ah lamh beh an si lai.

⁴Cu haotu pawl sunparnak a ziam lio lengmangmi cu, a hmin hmasa bikmi theipi, an hmin cangka in an lawh hna i an eimi hna bantuk khin, a lo lai.

⁵Khi ni ah Ralkapbu BAWIPA cu a tangmi a mi hna caah a sunglawimi bawi luchin pangpar in òamhmi bantuk a si lai.

⁶Biaceihtu hna kha dinnak lungthin a pek hna lai i khua kulhnak kutka ah ral a rak khirhtu hna kha ralòhatnak a pek hna lai.

⁷Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

⁸An òhutnak cabuai cu luak a khat i a thiannak hmun pakhat hmanh a um lo.

⁹Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a òhat ko cu.

¹⁰Amah nih cun a cafang tete in, a tlang a tlang in, cawn awk timi a bu a bu in cawnpiak a hei kan zalh,” an ka ti.

¹¹Keimah bia kha nan ngaih lo ahcun, holh phun dang in a holhmi ramdangmi kha, nanmah cawnpiaktu dingah Pathian nih a hman hna lai.

¹²Dinhnak le hnangamnak kan pek hna lai, tiah nan dihlak in an ti hna, sihmanhsehlaw nannih nih cun nan ngai duh lo.

¹³Cu ruangah cun pei BAWIPA nih a cafang tete in, a tlang a tlang in, cawn awk timi a bu a bu in an cawnpiak hna lai cu a si cu. Cun nannih cu nan kal tikah nan ril lengmang ko lai. Hma nan ing lai, rap in foih nan si lai i sal ah tlaih nan si lai.

¹⁴Cucaah cun Jerusalem khuami uktu, mi lungpuam rual hna, BAWIPA nih a chimmi hi ngai tuah u.

¹⁵Thihnak he hnatlaknak kan tuah cang i mithi khua he biakamnak kan tuah cang tiah nan i porhlaw. Lih le hlennak nih an kan huhphenh khawh lai tiah nan i bochan hna caah harnak a tlun tikah kan luat lai tiah nan i ruat.

¹⁶Sihmanhsehlaw Bawipa PATHIAN nih a chimmi cu hihi a si: “Zion ah hin a fek i a òhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah òial a si lai.

¹⁷A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami òotho nih a choih dih lai i nan himnak cu tilian nih a fenh dih lai,” a ti.

¹⁸Thihnak he hnatlak òinak nan tuahmi cu hloh a si lai i mithi khua he biakamnak nan tuahmi cu hrawh a si lai. Harnak a tlun tikah nan dir kho lai lo.

¹⁹Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih òihnak thar an rak i ratpi lai.

²⁰Phungthluk bia chung i, ihkhun a tawi tukmi cung i puan a bi tukmi he a it mipa bantuk kha nan si lai.

²¹Perazim Tlang le Gibeon nelrawn ah BAWIPA nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.

²²Ralrinnak kan pekmi hna hi nan nih men chuak hlah seh. Nan nih a chuah ahcun nan caah luatnak a har chinchin lai. Ralkapbu BAWIPA nih ram cu a dihlak in ka hrawh lai a timi kha ka theih cang.

²³Ka chimmi hi ngai tuah u, kan chimhmi hna hi òha tein nan hna chit tuah u.

²⁴Lothlopa nih a lo cu, thlaici tuhnak caah ti in a thuan lawng a thuang zungzal bal lo.

²⁵A thuan dih cun thlaici kha a tuh hna, nannan tehna, zira tehna kha a tuh hna. Changvut le barli kha a tlang a tlang in a tuh hna i a lo ri ah thlaici dang kha a tuh hna.

²⁶Pathian nih a cawnpiak caah a rian kha a òuanning a thiam.

²⁷Zira ci le nannan ci kawnnak caah thingtan rit pipi kha a hmang bal lo, a zaangmite a hmet a ngan aa tawkzate kha a hman tawn.

²⁸Changvut fang cu parh cikcek in a naang bal lo, a fang kha rawk lo tein cawleng kha a rialter.

²⁹Hi bantuk fimnak vialte hi Ralkapbu BAWIPA sinin a rami a si. Pathian khuakhannak cu a fimmi a si zungzal i thlua a chuak zungzal.