Read Hakha Chin ISAIAH 29 Bible Online

ISAIAH 29 - Hakha Chin bible

ISAIAH 29

¹Pathian biakòheng, Jerusalem zong a rawk cang! David a rak riahnak khua kha a rawk cang. Kum khat kum hnih chung cu an puai le an puai kha i tong ko rih hna seh,

²cun “Pathian biakòheng” timi khua ah cun Pathian nih harnak a tlunter lai. Òahnak le aihramnak a um lai i a khua hrimhrim kha raithawinak an khanghnak biakòheng ah a cang lai.

³Khua cu Pathian nih a tuk lai, a kulh lai i a hren lai.

⁴Jerusalem cu vawlei tangin bia chim a hun zalmi muthla bantuk a si lai, leidip chungin a hung chuakmi aw dinte bantuk a si lai.

⁵Jerusalem, nangmah an dotu ramdangmi vialte hna cu leidip bangin an choi dih lai i òih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

⁶Ralkapbu BAWIPA nih a òhawngmi òotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

⁷cun Pathian biakòheng khua a tutu ralkap vialte hna kha, an hriam le an nam vialte he an zeizong tein, mang bantukin an lo lai, zanmang bantukin an lo lai.

⁸Jerusalem tuk awkah aa pummi miphun vialte hna cu, a rawl a òammipa, a mang i rawl a ei ko na i aa hlauh tikah a rawl a òam òhiamòhiammi bantuk le tihal in a thi dengmangmi, a mang i ti a ding nain aa hlauh tikah a dang a car òhiamòhiammi bantuk khi an si lai.

⁹Va kal u law va hrut òhiamòhiam ko rih u. Va kal u law mitcaw in va um òhiamòhiam ko rih u. Zu din loin ri ko u. Dor khat hmanh din òung lo ah sawn lengmang in um ko u.

¹⁰BAWIPA nih an ngutter hna i thu hluahmah in nan i hngilh dengmang cang. Profet cu nan mit an si awk a si, sihmanhsehlaw Pathian nih cu nan mit cu an mit a huh hna.

¹¹Profet nih an hmuhmi langhnak sullam cu thuhkanh nan si lai, cakhenhnak in khenh chihmi cazual bantuk a si lai. A rel a thiammi sin i nan va kalpi i, kan relpiak tuah, nan va ti tikah, aa hrenh caah ka rel kho lo, a rak in ti hna lai.

¹²A rel a thiam lomi sin i nan va kalpi i kan relpiak tuah, nan va ti tikah, kei cu ca rel ka thiam lo caah ka rel kho lo, a rak in ti hna lai.

¹³BAWIPA nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

¹⁴Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh òhathnemnak a ngei lai lo,” a ti.

¹⁵BAWIPA nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an òuan i, kan tuahmi cu ahohmanh nih an hmu lai lo i an hngal lai lo, tiah an ruah.

¹⁶Zeizong vialte kha a bingtalet in an ser dih. Zeidah a biapi deuh, um sertu maw tlak dah? Mi nih an sermi thil nih khan, a sertu minung cu, “Na ka ser lo,” a ti khawh lai maw? Asiloah, “Na tuahmi hi zei a si na hngal lo,” a ti khawh lai maw?

¹⁷Phungthluk ah an ti bang, tupi hmawng cu lo ah a cang lai i lo cu tupi ah a cang òhan lai.

¹⁸Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.

¹⁹Misifak le mirethei hna nih, Israel Pathian thiang nih a pekmi hna lawmhnak kha an hmuh òhan lai.

²⁰Midang a hremtu hna le Pathian zei ah a rel lomi hna caah cun an donghnak a si lai. Misual paoh cu hrawh an si lai.

²¹Mi congoih a hmangmi hna le misual dantat loin a luattertu hna le lihchim lomi nih biakhiahnak a dingmi an hmuh ding hmu kho loin a dawntu milihchim hna cu, Pathian nih a hrawh hna lai.

²²Cucaah cun atu cu Abraham kha harnak chungin a khamhtu BAWIPA, Israel Pathian nih, hi bangin a ti: “Ka mi hna, ningzak hmaichia in nan um ti lai lo, nan hmai thikhal zong a chuak ti lai lo.

²³Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka òihzah lai.

²⁴Mihrut nih hngalhthiamnak an ngei kho cang lai i a phun a zai zungzalmi nih cawnpiaknak cohlan kha an duh cang lai,” a ti.