Read Hakha Chin ISAIAH 35 Bible Online

ISAIAH 35 - Hakha Chin bible

ISAIAH 35

¹Ramlak le ramcar hna cu an i lawm lai i Thetse ram cu a par lai.

²Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a òha lai. Mi kip nih BAWIPA sunparnak le kan Pathian a lianhngannak le a òhawnnak kha an mit in an hmuh lai.

³A tha a bami cu an kut òhawnter hna u law a khuk a thermi cu thazang pe hna u

⁴A lung a dongmi cu, “Na thinphang hlah, lungòhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

⁵Mitcaw nih khua an hmuh lai i hnachet nih khua an theih lai.

⁶Kebei cu an pet an lam lai i a holh kho lomi kha lunglawmhnak in a au in an au lai. Thetse ram chungah khan tiva a luang lai;

⁷a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

⁸Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

⁹Chiandeih zeihmanh an um lai lo, saram òihnung zeihmanh an i chawk lai lo. BAWIPA nih a luattermi hna cu hi lam hin inn ah an tlung lai.

¹⁰Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.