Read Hakha Chin ISAIAH 41 Bible Online

ISAIAH 41 - Hakha Chin bible

ISAIAH 41

¹Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah òhu òi tuah u sih.

²“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a òhek hna.

³A dawi thluahmah hna i a khul a ran tuk caah a ke nih vawlei hmanh kha a tawng set lo.

⁴Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? BAWIPA cu a hramthawknak i a rak ummi kha ka si i BAWIPA cu a donghnak i a um laimi zong ka si.

⁵“Lamhlatpi i a ummi rammi hna nih ka tuahmi kha an hmuh; an thin a phang i a ther in an ther. Cucaah an dihlak in hmunkhat ah an i pum.

⁶Zungthiam pawl kha pakhat le pakhat an i bawm i pakhat le pakhat lung òhawnnak an i pe.

⁷Lehtama nih sui serpa kha, “Na tuahmi a òha,” a ti. Siasal a milhtu nih khan siasal cu hmunkhat ah thir in a funtomtu kha, na lung òhawng ko, a ti. Pakhat nih, ‘Na senghnak cu a òha ko,’ a ti i annih nih siasal cu thir in a umnak ding hmun ah khan an khenh chih.

⁸“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

⁹Vanhramdeng khin kan ratpi; vawlei cung a hlatnak bik hmun in kan kawh i, ‘Nang cu ka sal na si,’ kan ti. Kan hlaw lo, a thim in kan thim lehlam.

¹⁰Na thin phang hlah § na sinah ka um ko, Keimah cu na Pathian ka si § zeihmanh òih hlah. Kan òhawnter lai i kan bawmh lai; kan huhphenh lai i kan khamh lai.

¹¹“Ka mi hna, nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai;

¹²nanmah cungah raldohnak a tuahmi cu vawlei in an lo lai.

¹³Keimah cu BAWIPA nan Pathian ka si i òhawnnak kan pek hna; ‘Nan thinphang hlah u, kan bawmh hna lai,’ tiah keimah nih ka ti,” a ti.

¹⁴BAWIPA nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

¹⁵Facang tuknak fung, a thar i hahar an bunhmi bantuk ah kan ser lai. Tlang kha na rial hna lai i na hrawh lai; fing kha na hmawh dih hna lai i leidip ah an cang lai.

¹⁶Van ah na hlerh hna lai i thlitu nih a choih hna lai; thlichia nih a kenkip ah a òhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangòhat lai.

¹⁷“Ka mi hna cu tihal in ti an kawl i an dang a car tikah, BAWIPA nih an thlacamnak cu ka leh hna lai; Israel Pathian nih ka hlaw bal hna lai lo.

¹⁸Tlang car ah tiva ka luanter hna lai i nelrawn ah cerhti ka putter hna lai. Thetse ram kha tidil ah ka ser hna lai i ramcar kha a luangmi cerh ah ka ser hna lai.

¹⁹Thetse ram ah khan sidar thing le anri thing le lenhmui le oliv kha ka khohter hna lai. Ramcar ah tupi an um lai, far thing tupi le saipres thing tupi le thal thing tupi an um lai.

²⁰Mi nih khan cucu an hmuh lai i BAWIPA nih ka tuahmi a si kha an hngalh lai. Cu thil a umtertu cu Israel Pathian thiang ka si kha an hngalh lai,” a ti.

²¹BAWIPA, Israel siangpahrang nih hitihin a ti: “Miphun dang pathian hna, nan bia cu rak chuahpi tuah hnek u, nan thiam khawh chungin chim tuah u.

²²Ra chuak u law hmailei thil um ding kha chim chung tuah u. Biaceihtu pawl cu thil um cia kong kha chim hna u, cun thil um lai ding kha, an hung um taktak tikah kan hngalh khawh hna nakhnga, zeitindah an um te lai ti kha kan chim tuah u.

²³Hmailei thil um ding kha kan chim tuah u § cu ti nan chim khawh ahcun pathian nan si kha kan hngalh lai. Òhatnak pakhat tal, chiatnak pakhat tal tuah u law cuticun thinphang awlok chong in kan um lai i cuticun ta pathian nan si le si lo cu kan hngalh fam hnga.

²⁴Sihmanhsehlaw nannih cu zeihmanh nan si lo, nan tuahmi vialte zong zeihmanh an si lo, nanmah an biatu hna zong fihnung an si.

²⁵“Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

²⁶Nan chimmi kha ahmaan taktak tiah kan in ti khawh hna nak dingah, hitihin thil a um te lai tiah aho tal nih nan rak kan chim in, aho tal nih nan rak chim chung kho maw? Cu kong cu ahohmanh nih nan rak chim kho lo, nan chimmi ahohmanh nih an thei lo!

²⁷Cu thawng Zion a chim hmasa biktu cu BAWIPA ka si, Jerusalem cu, ‘Na mi hna an ra lio! Na mi hna an ra tlung lio!’ tiah va chimh awkah keimah nih lamkaltu ka thlah.

²⁸An pathian kha ka zoh hna tikah bia chim awk a ngeimi pakhat hmanh an um lo; bia ka halmi hna a ka let khotu pakhat hmanh an um lo.

²⁹Hi pathian hna hi pakpalawng an si, an tuah khawhmi zeihmanh a um lo § hi siasal pathian hna hi thazang zeihmanh a ngei lomi, zei thil hmanh a tuah kho lomi an si.