Read Hakha Chin ISAIAH 52 Bible Online

ISAIAH 52 - Hakha Chin bible

ISAIAH 52

¹Jerusalem, òhawng law ngan òhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

²Jerusalem, luat lakin i thing tuah! Leidip lak khan tho law na bawiòhutdan cungah khan òhu tuah. Sal i a tangmi Zion mi a òemtu hna hri cu chat tuah.

³BAWIPA nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

⁴Hmasa ah Izipt ram ah ramdang mi in nan rak um, cun hnu deuh ah sullam zeihmanh um loin Assiria nih an hrem hna.

⁵Atu ah Babilon ah cu bantuk òhiamòhiam cun nan um; zeihmanh lo ruangah khika ah sal ah nan tang. Nanmah an uktu hna cu an i porhlaw i tluang an khawng, ka min cu an zawmhtaih thluangthluan ko.

⁶Sihmanhsehlaw hmailei caan ah cun, keimah cu Pathian ka si i nanmah sin i biachimtu ka si kha nan hngalh lai,” a ti.

⁷Daihnak thawng òha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

⁸Khua a vengtu kha an au i lunglawm in hmunkhat ah hla an sa. Zion i BAWIPA a kir òhan kha an mit hrimhrim in an hmuh.

⁹Jerusalem khua chung i a rawkmi hmun hna, lunglawm le thanuam in au tuah u. BAWIPA nih a mi cu a hnemh cang hna, a khuapi cu a khamh cang.

¹⁰BAWIPA nih a thiangmi a òhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

¹¹Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

¹²Atu tan hi cu namhnaw in nan chuah a hau lai lo, a zam in nan zam a herh lai lo, BAWIPA nan Pathian nih an hruai hna lai i nan hnu, nan hmai, nan sirlei in an ven hna lai.

¹³BAWIPA nih aa thawh i, “Ka sal cu a rianòuanmi ah khan khuaawng a tong lai; a lian a ngan lai i upatnak a hmu lai.

¹⁴An rak hmuh ah khan mi tampi cu an khuaruah a har; a muihmai cu a rak rawk tuk hringhran i minung hmanh a lo lo.

¹⁵Sihmanhsehlaw atu cu miphun tampi kha amah an hmuh tikah an khuaruah a har lai, an khuaruah a har tuk ah siangpahrang hna cu ar ko in an um lai. An hngalh bal lomi thil kha an hmuh lai i an hngalh lai,” a ti.