Read Hakha Chin ISAIAH 55 Bible Online

ISAIAH 55 - Hakha Chin bible

ISAIAH 55

¹BAWIPA nih aa thawh i, “Ti a halmi paoh ra tuah u, hika ah hin ti a um. Tangka zeihmanh a ngei lomi hna ra tuah u, rawl kha i cawk u law ei tuah u. Ra u law mitsur zu le cawhnuk kha i cawk hna u § a man zeihmanh pek a hau lai lo.

²Zeicahdah rawl a si òung lomi ah nan phaisa kha nan hloh? Zeicahdah nan nihlawh man vialte cu nan hman dih òung i rawlòam in nan um òhiamòhiam òung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

³“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

⁴Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

⁵Atu cu ramdang miphun kha nan auh hna lai; hlanah cun an rak in hngal hna lo, sihmanhsehlaw atu cu nanmah he fonh duh ah a tlik in an ra tli lai. BAWIPA nan Pathian, Israel Pathian thiang nih hi vialte cu ka tlinter lai; upatnak le sunparnak kha kan pek lai,” a ti.

⁶Atu cu BAWIPA kha kan naih ah a um caah amah leiah cun i mer u law amah sinah cun thla cam u.

⁷Miòhalo nih an zulhmi an lam kha hlaw hna seh law an ruahning kha thleng hna seh. BAWIPA kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

⁸BAWIPA nih, ‘Ka ruahning cu nan ruahning a si lo, ka thil tining zong nan thil tining he an i khat lo.

⁹Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh.

¹⁰Ka bia cu van in a rung tlami ruah le hawhra bantuk a si lai. Ruah le hawhra nih cun, van ah kir òhan ti loin vawlei kha an hnawnter i thlaici kha an khohter i an òhanter i thlaici tuhtu kha thlaici an pek hna i rawl eitu kha rawl an pek hna.

¹¹Cu bantuk cu ka kaa in a chuakmi bia cu a si ve lai § ka sinah a lawngin a ra kir òhan lai lo, tuah seh tiah ka fialmi kha a tlolh lai lo i ka thlahhnawh chanmi thil ah khan a tlam a tling lai.

¹²“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

¹³Atu i hlingbur an umnak hmun ah hin saipres thing an kho lai i hling lakah hin martal thing rimhmui an um lai. Hi hmelchunhnak hi zungzal in a hmunmi hmelchunhnak a si lai i BAWIPA nih ka tuahmi an hngalhter òhantu hna a si lai,” a ti.