Read Hakha Chin ISAIAH 6 Bible Online

ISAIAH 6 - Hakha Chin bible

ISAIAH 6

¹Siangpahrang Uzziah a thih kum ah khan BAWIPA cu ka hmuh. A sang i aa hlorhmi a bawiòhutdan cungah khan a òhu i a puan cu biakinn kha a khat.

²A velchum ah cun mei bantuk a simi thilnung kha an dir i thla paruk cio an ngei. Cu thilnung hna nih cun an hmai kha an thla pahnih cun an i huh cio, an pum kha a dang pahnih in an i huh i a dang pahnih cu zuannak ah an hman hna.

³Pakhat le pakhat kha an i chawn i, “A thiang, a thiang, a thiang, Ralkapbu BAWIPA cu a thiang! Vawlei cung vialte hi a sunparnak in a khat dih,” an ti.

⁴An aw nih cun biakinn cu a hram in a hninh i biakinn cu meikhu in a khat.

⁵Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu BAWIPA cu ka hmuh,” ka ti.

⁶Cun thilnung pakhat kha ka sinah a rung zuang i biakòheng cung meiòil cengceh in a cehmi kha a run i put.

⁷Meiòil cun ka hmur kha a ka tawngh i, “Meiòil nih na hmur an tawngh cang, cucaah cun mawhchiat awk na sinak cu a lo cang i na sualnak cu ngaihthiam na si cang,” a ti.

⁸Cun BAWIPA nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

⁹Cucaah a ka thawh i, “Va kal law hi mi hna hi hi bia hi va chim hna: ‘Ngai lengmang hmanh u law a sullam cu nan hngal bal lai lo. Zoh lengmang hmanh u law a um lio lengmangmi hi zei thil dah a si ti kha nan hngal bal lai lo,’ va ti hna,” a ti.

¹⁰Cun a ka thawh òhan i, “Hi mi hna nih an hmuh khawh nakhnga lo le an theih khawh nakhnga lo le an hngalh khawh nakhnga lo, an lung pihter hna, an hna chehter hna law an mit cawtter hna. An hmuh khawh le an theih khawh le an hngalh khawh ahcun keimah lei ah an i mer sual lai i damnak an hmu sual lai,” a ti.

¹¹“Hi bantuk hin zei can dah a um lai, BAWIPA,” tiah ka hal i, “Khuapi cu a rawk dih i a lawn dih tiang§inn cu a chung i mi umtu an um lo tiang§hi ram hi a kin in a kin dih cikcek tiang a si lai.

¹²Hi mi hna hi ram hlapi ah ka kuat hna lai i ram hi a dihlak in king ringriang in a um lai.

¹³Ram chungah hin mi pahra an taan hmanh ah cu hna zong cu thah an si òhiamòhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk òhannak ding hmelchunhnak a si.)