Read Hakha Chin ISAIAH 60 Bible Online

ISAIAH 60 - Hakha Chin bible

ISAIAH 60

¹Tho tuah, Jerusalem, ni bantukin tlang tuah; BAWIPA sunparnak cu na cungah a tlang!

²Miphun dang cu muihnak nih a huh hna lai, sihmanhsehlaw nang cungah cun BAWIPA ceunak cu a ceu lai; a sunparnak lianhngannak cu na sinah a um lai.

³Miphun tanpi nih na ceunak cu an fuh lai i na ni thar a chuakmi cu siangpahrang nih an fuh lai.

⁴I mer law na pawngkam ah khan zeidah a um ti kha zoh tuah. Na mi cu inn i tlun awkah an i pum. Na fapa hna cu lamhla piin an ra lai i na fanu hna cu ngakchia bangin puak cungin an ra lai.

⁵Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

⁶Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng òha kha mi nih an chim lai.

⁷Kedar le Nebaioth ram tuu vialte kha raithawinak i hman awkah na sinah an ratpi hna lai i BAWIPA lunglawmhternak caah biakòheng cungah an pekchanh hna lai. BAWIPA nih a Biakinn cu a sunparter chinchin lai.

⁸Khuadawm bantukin a zuan in a zuangmi lawng khi zei lawng dah an si? An bu hlam ah a zuangmi òhuro bantukin a zuangmi lawng khi zeidah an si?

⁹Annih cu lamhla piin a rami lawng an si, Pathian mi hna, inn i a rak tlunpitu hna lawng an si. BAWIPA, Israel Pathian thiang upat awkah sui le ngun kha an rak i phorh; BAWIPA nih miphun dang vialte cu, a mi Israel mi kha, upatnak a pekter hna.

¹⁰BAWIPA nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an òuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

¹¹Miphun dang siangpahrang hna nih an chaw le an va cu an ratpi khawh nakhnga, chunzan in na kutka cu i hung zungzal ko hna seh.

¹²Sihmanhsehlaw na rian an òuanpiak duh lomi miphun hna cu hrawh cikcek an si lai.

¹³“Far thing le Junipar thing le saipres thing, Lebanon tupi chung i thing òha bikbik hna kha, nangmah Jerusalem remhnak ah le ka biakinn dawhternak ah le ka khuapi dawhternak caah an rak phorh hna lai.

¹⁴Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘BAWIPA Khua, Israel Pathian Thiang Khua Zion,’ an in ti lai.

¹⁵“Hlawt na si ti lai lo i huat na si ti lai lo. Òiaotakmi khua, khua rop na si ti lai lo. Khua lianngan le khua dawh ah kan ser lai i. zungzal in zungzal tiang lawmhnak hmun ah kan ser lai.

¹⁶Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. BAWIPA nih kan khamh kha na hngalh lai, Israel Pathian òhawng nih kan luatter kha na hngalh lai.

¹⁷Dar can ah sui kan pek lai, thir can ah ngun kan pek lai i thing can ah darsen kan pek lai. Lung can ah thir na hmuh lai. An uktu bawi hna nih khan an in hrem ti lai lo, dinnak le daihnak in ka ukter hna lai.

¹⁸Puaròhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangòhat lai.

¹⁹“Chun ah ni cu na ceunak a si ti lai lo i zan ah thlapa cu na ceunak a si ti lai lo. BAWIPA cu zungzal in na ceunak ka si cang lai i ka sunparnak ceunak cu na cungah a tlang lai.

²⁰Na ngaihchiat ni cu a dong lai. BAWIPA cu zungzal in na caah ceunak ka si lai, nika le thlapa nakin a hmun deuhmi ceunak ka si lai.

²¹Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

²²Nan innchungkhar hna lak i a hme bik le santlailo bik hna hmanh kha a òhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu BAWIPA ka si,” a ti.