Read Hakha Chin ISAIAH 61 Bible Online

ISAIAH 61 - Hakha Chin bible

ISAIAH 61

¹Bawipa PATHIAN nih thlarau in a ka khahter. Sifakmi hna sinah thawng òha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

²BAWIPA nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le

³Zion i ngaihchia in a ummi vialte hna cu vutcam caah pangpar òhi, mitthli caah lawmhnak chiti le thangòhatnak hla pek awkah a ka thlah. Annih cu BAWIPA hrimhrim nih a phunmi thingkung bantuk an si lai. Thil òha kha an tuah lai i Pathian cu a tuahmi thil ruangah khan an thangòhat lai.

⁴Saupi a rawk cangmi khua kha an remh òhan hna lai.

⁵Jerusalem, ramdangmi nih na rian an in òuanpiak lai. Na saòil kha an in zohkhenhpiak hna lai i na lo kha an in thlawhpiak hna lai, na mitsur dum kha an in cawngpiak hna lai.

⁶Nang tu cu BAWIPA tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

⁷Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a òhang lai; na lawmhnak cu zungzal in a hmun lai.

⁸BAWIPA nih, “Dinnak kha ka duh i hremnak le thil òhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

⁹Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

¹⁰BAWIPA nih a tuahmi thil ruangah Jerusalem cu aa lawm. Va ngei lai ngaknu aa òamhmi bantuk a si. Pathian nih khamhnak le teinak he a thuamh cang.

¹¹Thlaici cu an keuh i an òhan bantukin, Bawipa PATHIAN nih a mi cu a khamh hrimhrim hna lai. Cun miphun vialte nih amah cu an thangòhat lai.