Read Hakha Chin ISAIAH 64 Bible Online

ISAIAH 64 - Hakha Chin bible

ISAIAH 64

¹Zeicahdah van khi na run baoh ko lo i na rung òum ko lo? Tlang nih hin an in hmuh hnga i an in òih tuk ah a ther in an ther hnga.

²Mei lin chungah a tlokmi ti bantukin an ther hnga. Ra law na lianhngannak cu na ral hna sinah hin langhter tuah, na hmaiah miphun hna cu a ther in ther hna seh.

³Voi khat cu na rak ra i na tuah lai tiah kan ruah lomi thil òihnung kha na tuah hna; tlang nih an in hmuh i òihnak in an ther.

⁴Amah aa bochantu hna caah cu bantukin rian a òuantu Pathian cu nangmah lawnglawng na si, nangmah bantuk cu ahohmanh nih a theih zong an thei bal hna lo a hmuh zong an hmu bal hna lo.

⁵Ahmaanmi thil tuah duhnak a ngeimi kha na bawmh hna i nangmah nih cutin um hna seh ti na duhning a philh lomi cu na lawmh hna. Kan cungah na thin a rak hung, sihmanhsehlaw kan sual lengmang òhiam ko; kan cungah na thin a hung ko nain hlanlio piin kan sual lengmang ko.

⁶Kan dihlak in misual kan si, kan thil tuahmi òha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

⁷Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

⁸Sihmanhsehlaw BAWIPA, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

⁹cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh.

¹⁰Na khua thiang hna cu thetse ram bantuk an si i Jerusalem cu a rawk i òiaotakmi khua a si.

¹¹Kan pu le kan pa hna nih an in thangòhatnak hmun, hmun dawh le hmun thiang, kan Biakinn cu mei nih a hrawh cang, a nuammi kan hmun cu an rawk dih cang.

¹²BAWIPA, hi thil nih hin na lung an hnorsuang hrim lo maw? Zeihmanh tuah loin maw na um ko lai kan celh lo tiangin na kan inter ko lai?