Read Hakha Chin ISAIAH 8 Bible Online

ISAIAH 8 - Hakha Chin bible

ISAIAH 8

¹BAWIPA nih a ka thawh i, “Ca òialnak tlap a nganmi pakhat in i lak law cafang puam pipi in, ‘Maher-shalal-hash-baz’[5] tiah òial.

²Cun tehte caah zumhawktlakmi pahnih, tlangbawi Uriah le Jeberekhiah fapa Zekhariah kha i lak hna,” a ka ti.

³Cu hnu tlawmpal ah ka nupi sinah khan ka va kal i fa a pawi i fapa a hrin. BAWIPA nih cun, “A min ah, ‘Maher-shalal-hash-baz’ na sak lai.

⁴Ngakchiapa nih, ka nu, ka pa, ti a thiam hlanah Damaskas chawva vialte le Samaria hranchaw vialte cu Assiria siangpahrang nih a kalpi dih hna lai,” a ka ti.

⁵BAWIPA nih cun a ka chawnh òhan i,

⁶“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

⁷BAWIPA nih Zufrates Tiva tilian cu an cungah a tlunter lai, cucu Assiria siangpahrang le a sunparnak kha an si; an tiluannak kahcham vialte le an titlang vialte kha a phum dih hna lai i

⁸Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

⁹Nannih miphun vialte hna, òihnak in hmunkhat ah i pum tuah u. Vanhramdeng ram hna, ka bia ngai tuah u. Ral doh awkah timh cu i tim ko u, sihmanhsehlaw thinphang in um òhiamòhiam ko u.

¹⁰Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

¹¹Mi nih an zulhmi lam kha zulh lo awkah, BAWIPA nih a liannganmi a òhawnnak in ralrinnak a ka pek. A ka thawh i,

¹²“Hi mi hna an khuakhannak ah hin i tel hlah, cun an òihmi zong hi òih hna hlah.

¹³Ralkapbu BAWIPA keimah hi a thiangmi ka si kha philh hlah; na òih hrimhrim awk cu keimah hi ka si.

¹⁴Òih a nungmi ka thiannak ruangah hin, mi nih an i chuih i an rilhnak lung bantuk ka si; Judah ram chung le Israel ram chung i a ummi hna le Jerusalem i a ummi hna a foihtu ding rap bantuk ka si.

¹⁵Mi tampi an i chuih lai i an ril lai. An tlu lai i an kuai cikcek lai. An i foih lai,” a ti.

¹⁶Pathian nih a ka pekmi bia kha ka zultu hna nih òha tein an zohkhenh awk le an i ken awk a si.

¹⁷BAWIPA nih a mi cu a thuhtak cang hna, sihmanhsehlaw kei nih cun ka zumh i kaa bochan.

¹⁸Zohhmanh, keimah le BAWIPA nih a ka pekmi ka fale hi Zion Tlang i a ummi Ralkapbu BAWIPA sinin a rami Israel mi caah hmelchunhnak le chingchiahnak kan si.

¹⁹Kutòial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

²⁰Sihmanhsehlaw nannih nih cun, “BAWIPA nih an cawnpiakmi hna kha ngai ko u! Thitlawng bia kha ngai hna hlah u § an chimmi nih zeihmanh an òhathnem hna lai lo, tiah nan leh hna lai,” a ti.

²¹Mi cu ram chungah khan hnabei dong le rawlòam in an vak lai. An rawlòam le an thinhun in an siangpahrang le an Pathian kha chiat an serh hna lai. Van an zoh lai,

²²Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak òihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.