Read Hakha Chin LEVITIKAS 11 Bible Online

LEVITIKAS 11 - Hakha Chin bible

LEVITIKAS 11

¹Cun BAWIPA nih Moses le Aaron sinah,

²“Israel mi hna sinah va chim tuah u, vawlei cung i a ummi saram vialte lakah mah hna hi a nungmi thil nan ei awk cu an si lai.

³Saram lakah a tin a òe i aa òhen i rawlret a khaimi cu nan ei lai.

⁴Asinain rawlret khaimi lakah siseh, tin òemi lakah siseh, mah hna hi cu nan ei lai lo: kalauk, rawlret cu a khai nain a tin a òet lo caah nannih caah a thianglo a si.

⁵Cun vawrvok, rawlret a khai nain a tin a òet lo caah nannih caah a thianglo a si.

⁶Cun saveh, rawlret a khai nain a tin a òet lo caah a thianglo a si.

⁷Cun vok, a tin a òe i aa òhen ko nain rawlret a khai lo caah, nan caah a thianglo a si.

⁸An sa nan ei lai lo i an ruak nan tawng lai lo; nan caah a thianglo an si.

⁹“Ti chung i a ummi thil vialte lakah mah hna hi nan ei lai. Rili chungah siseh, tiva chungah siseh, ti chung i a ummi, òeh le phokphawher a ngeimi thil paohpaoh cu nan ei hna lai.

¹⁰Sihmanhsehlaw rili chungah siseh, tiva chungah siseh, a ummi, òeh le phokphawher a ngei lomi, ti chungah a lawn in a lawnmi thil le ti chung i a nungmi thil hna cu, nannih caah fihnung an si.

¹¹Nannih caah fihnung an si zungzal lai; an sa nan ei lai lo i an ruak cu fihnung ah nan rel hna lai.

¹²Ti chungah a ummi thil zeipaoh òeh le phokphawher a ngei lomi cu nan caah fihnung a si.

¹³“Cun, va hna lakah mah hna hi fihnung ah nan rel awk an si lai, nan ei hna lai lo, fihnung an si: muvanlai, tettet, mu-ar-cawi,

¹⁴kaite, muchia phun kip,

¹⁵langak phun kip,

¹⁶ostrik, thlanghnap, rili-va mupi phun kip,

¹⁷chimbu, tingala, tivapual,

¹⁸ti-ar, pelikan, langta,

¹⁹tivakok, ram varang phun kip, chuangtuar, le palak.

²⁰“Buòit-khaubawk thla a ngei i ke pali in a kalmi vialte cu nan caah fihnung an si.

²¹Sihmanhsehlaw thla ngeimi buòit-khaubawk ke pali in a kalmi lakah a keòeng cung i vawlei i pernak ca i ke a ngeimi cu nan ei lai.

²²Cu hna chungah cun, khauzik phun kip, khuangbai phun kip, buòit phun kip, le khaubawk phun kip cu nan ei khawh hna lai.

²³Sihmanhsehlaw thla ngeimi buòit-khaubawk ke pali a ngeimi vialte cu nannih caah fihnung an si.

²⁴“Cun mah thil hna thawng hin thianglo nan cang lai; an ruak a tawngtu paoh cu zanlei tiang an thur lai i

²⁵an ruak in zeipaoh a latu nih a thilpuan a suk lai i zanlei tiang thianglo a si lai.

²⁶A tin a òe nain a tin aa òhen lomi saram siseh, rawlret a khai lomi saram siseh, nannih caah a thianglo a si; a tawngmi hna paoh cu thianglo an si lai.

²⁷Ke pali in a kalmi saram hna lakah a kebor in a kalmi vialte cu nannih caah thianglo an si; an ruak a tawngtu paoh cu zanlei tiang thianglo an si lai i

²⁸an ruak a phortu nih a thilpuan kha a suk lai i zanlei tiang thianglo a si lai; annih cu nan caah thianglo an si.

²⁹“Cun vawlei ah a lawn in a lawnmi hna lakah mah hna hi nan ca i thianglo an si: zuhri, zu, kinglang ngan phun kip,

³⁰òekral, tang, kinglang, thetse rawn kinglang le conghrang.

³¹A lawnmi thil vialte lakah mah hna hi nan ca i thianglo an si; mah hna hi an thih tikah a tawngtu hna paoh cu zanlei tiang thianglo an si lai.

³²Cun, an thih tikah an tlakhnawhmi thilri paoh cu a thur lai, thing thilri siseh, puan siseh, saphaw siseh, sawngkhoi siseh, hman awk thil a simi paohpaoh; ti chungah ciah a si hrimhrim lai i zanlei tiang thianglo a si lai; cu tikah a thiang lai.

³³Cun annih lak i pakhatkhat cu tlak um a simi paohpaoh cungah a tlak ahcun, a chung i a ummi vialte cu thianglo an si lai i nan khuai lai.

³⁴Cu um chung i ei awk a ummi zei rawl paoh, ti nih a ciahmi paoh cu, thianglo a si lai; cun cu bantuk um paohpaoh chung i din awk thil vialte cu thianglo an si lai.

³⁵Cun zei thil paoh an ruak pelpawi a zeipaoh nih a tlakmi hna cu thianglo an si lai; changreu rawhnak a si zongah, meiphu a si zongah, khuai cikcek a si lai; thianglo an si i nan caah thianglo an si lai.

³⁶Sihmanhsehlaw cerhti siseh tikuang a chung i ti a ummi cu siseh a thiang lai, asinain zeipaoh an ruak a tawngtu paoh cu thianglo an si lai.

³⁷Cun an ruak zei zawn paoh nih cin awk a simi thlaici zei paoh a nenh ahcun, a thiang ko;

³⁸sihmanhsehlaw thlaici cu ti in ciah a si i an ruak zei zawn paoh nih a nenh ahcun, nan caah thianglo a si.

³⁹“Cun nan eimi saram zeipaoh a thih ahcun, a ruak a tawngtu paoh cu zanlei tiang thianglo a si lai,

⁴⁰cun a ruak a eimi paoh cu a thilpuan a suk hna lai i zanlei tiang thianglo a si lai; a ruak a putu paoh zong nih a thilpuan a suk hna lai i zanlei tiang thianglo a si lai.

⁴¹“Vawlei ah a vah in a vak lulhmalhmi thil paoh cu fihnung a si; ei awk a si lai lo.

⁴²A paw in a lawnmi zeipaoh siseh, ke pali in a kalmi zeipaoh siseh, ke tampi a ngeimi zeipaoh siseh, vawlei ah a vah in a vakmi thil vialte cu nan ei hna lai lo; zeitintiah fihnung an si.

⁴³A vah in a vakmi thil zeihmanh khan nannih nih fih nan i nunter lai lo; cun cu hna cun a thur zong nan i thurter lai lo, thianglo nan si sual hnga.

⁴⁴Zeitintiah keimah cu BAWIPA nan Pathian ka si; cu caah i thianter u law, thianghlim u, keimah ka thian caah. Vawlei ah a vah in a vakmi thil zeihmanh in i thurter hlah u.

⁴⁵Zeitintiah keimah cu nan Pathian si awkah, Izipt ram in an chuahpitu hna BAWIPA ka si; cucaah nannih cu nan thian awk a si, keimah ka thian caah,” tiah a ti.

⁴⁶Mah hihi saram le va le ti chung i a cawlcangmi thilnung kip le vawlei i a vakmi thil kip kong i phunglam a si;

⁴⁷a thiang le thianglo le a nungmi thil ei awk a si hngami le a nungmi thil ei awk lo a si hngami hna thleidannak caah a si.