Read Hakha Chin LEVITIKAS 16 Bible Online

LEVITIKAS 16 - Hakha Chin bible

LEVITIKAS 16

¹Aaron fapa pahnih nih BAWIPA hmai an va naih i an thih hnuah khan BAWIPA nih Moses cu a chawnh i

²Moses sinah hi bangin BAWIPA nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak òhutdan hmaiah cun zeitikhmanh ah lut hlah seh, a thi sual lai; zeitintiah velngeihnak òhutdan cungah cun minmei in ka lang lai.

³Sihmanhsehlaw hi bangin Aaron nih hmunthiang chungah, sual thawinak caah cawtum no pakhat le khangh thawinak caah tuukawng pakhat he tiah,

⁴la hmangòhia angkileng cu aa hruk lai i la hmangòhia tawhrolh cu aa hrolh lai, la hmangòhia taisawm aa sawmh lai i la hmangòhia lupawng aa ponh lai; mah hna hi thilpuan thiang an si. A pum cu ti in aa kholh lai i mah cucu aa hruk hna lai.

⁵Cun Israel mibu sin cun meheh tum pahnih sual thawinak caah, tuukawng pakhat khangh thawinak caah a lak lai.

⁶“Cun Aaron nih cawtum cu amah caah sual thawinak caah a thawi lai i amah le a innchungkhar caah remnak a ser lai.

⁷Cu hnuah cun meheh pahnih kha a lak hna lai i BAWIPA hmaiah tonnak thlam innka ah cun a chiah hna lai;

⁸Aaron nih meheh pahnih hna cungah cun camcawh fung a khiah lai, camcawh fung pakhat cu BAWIPA caah, a dang pakhat cu Azazel caah.

⁹Cun Aaron nih BAWIPA ca camcawh fung a tlaknak meheh cu a lak lai i sual thawinak ah a thawi lai;

¹⁰sihmanhsehlaw Azazel ca camcawh fung a tlaknak meheh cu a cungah remnak ser awkah a nung in BAWIPA hmaiah chuahpi a si lai, ram lakah Azazel sinah hei thlah a si nakhnga.

¹¹“Aaron nih amah ca i sual thawinak ah cawtum cu a chuahpi lai i amah ca le a innchung khar caah remnak a ser lai; cawtum cu amah ca i sual thawinak caah a thah lai.

¹²Cun BAWIPA hmai i a ummi biakòheng cung meiòil in a khatmi mei-laknak-kheng cu a lak lai i rimhmui dip tein denmi zapei hnih he puanzar chungah a luhpi lai i

¹³rimhmui cu BAWIPA hmai i mei ah cun a paih lai, rimhmui khu nih cun biahngalhternak cung i velngeihnak òhutdan cu a khuh i a thih sual nakhnga lo caah a si lai,

¹⁴cun cawtum thi cu tlawmpal in a lak lai i a kutdong in velngeihnak òhutdan a hmailei cu a theh lai, cun velngeihnak òhutdan hmaika ah cun thi cu a kutdong in voi sarih a theh lai.

¹⁵“Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak òhutdan cung le velngeihnak òhutdan hmai kha a theh lai;

¹⁶Israel mi an thian lonak ruang le an phungbuarnak, an sualnak vialte ruangah, cu bangin hmunthiang caah cun remnak a ser lai; cu bantuk òhiamòhiam in an thian lonak chung i annih he a um camcinmi tonnak thlam caah cun a tuah lai.

¹⁷Remnak ser awk i a thiangmi hmun ah a luh tikah a chuah òhan i amah ca le a innchungkhar ca le aa pummi Israel mi ca i remnak a ser dih hlantiang, ahohmanh tonnak thlam chungah an um lai lo.

¹⁸Cun BAWIPA hmai i a ummi biakòheng leiah cun a chuak lai i cu biakòheng caah cun remnak a ser lai, cawtum le meheh thi kha tlawmpal in a lak hna lai i biakòheng ki cu a velchum in a thuh hna lai.

¹⁹Cun a cungah thi cu tlawmpal in a kutdong in voi sarih a theh lai i Israel mi an thian lonak cun a tlengh lai i a thianh lai.

²⁰“Hmunthiang ca le tonnak thlam ca le biakòheng ca i remnak a tuahnak a dih tikah, meheh nung cu a pekchanh lai;

²¹Aaron nih a kut pahnih in meheh nung lu ah cun a chuan lai i Israel mi òhat lonak vialte, an phungbuarnak vialte le an sualnak vialte cu a cungah cun a phuan lai i meheh lu cungah cun a chiah hna lai, mi pakhat timhcia in a ummi nih khan ramlak ah a kalpi lai.

²²Meheh nih cun an òhat lonak vialte cu hmunking ah a phorh lai i, meheh cu ramlak ah cun a thlah lai.

²³“Cun Aaron cu tonnak thlam chungah a lut lai i hmunthiang chung i a luh i aa hrukmi la hmangòhia thilpuan kha aa phoih hna lai i cuka ah cun a kaltak hna lai;

²⁴hmunthiang ah a pum cu ti in aa kholh lai i a thilpuan cu a aih hna lai i a ra chuak lai i amah ca khangh thawinak le zapi ca khangh thawinak kha a thawi lai i amah ca le zapi caah remnak a ser lai.

²⁵Sual thawinak thau cu biakòheng cungah a khangh lai.

²⁶Azazel sinah meheh kha a thlahtu nih khan a hnipuan kha a suk lai i ti in a pum kha aa kholh lai i cu hnuah riahnak hmun chungah khan a lut lai.

²⁷Cun sual thawinak ca i cawtum le sual thawinak ca i meheh, hmunthiang chung i remnak ser awk ca i an thi rak luhpimi hna kha, riahnak hmun lengah chuahpi an si lai; an phaw le an sa le an ek hna cu mei in khangh an si lai.

²⁸A khangtu hna nih a hnipuan kha a suk i a pum kha ti in aa kholh awk a si lai, cu hnuah riahhmun chungah a lut kho lai.

²⁹“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan òuan lai lo;

³⁰zeitintiah hi ni ah hin nannih caah, nannih cu thianh awkah, remnak ser a si lai; nan sualnak vialte in BAWIPA hmaiah nan thiang lai.

³¹Nannih caah dinh zirziarnak sabbath a si lai i nannih nih nan i temhinter lai; zungzal ca phung a si.

³²Cun tlangbawi a pa hmun i tlangbawi si awk i chiti thuhmi le thleidanmi nih la hmangòhia thil puan thiang kha i hruk in remnak kha a ser lai;

³³hmunthiang caah remnak a ser lai, tonnak thlam le biakòheng caah remnak a ser lai; tlangbawi hna le aa pummi mi vialte caah remnak a ser lai.

³⁴Cun mah hihi nannih caah zungzal phung a si lai, Israel mi hna caah an sualnak vialte ruangah kum khat ah voi khat remnak ser a si lai.” Cun Moses nih BAWIPA nih nawl a pek bangin a tuah.