Read Hakha Chin LEVITIKAS 19 Bible Online

LEVITIKAS 19 - Hakha Chin bible

LEVITIKAS 19

¹Cun BAWIPA nih Moses cu a chawnh i,

²“Hi bangin Israel mibu hna sinah va chim tuah; Nan thian awk a si, zeitintiah keimah, BAWIPA nan Pathian cu ka thiang.

³Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu BAWIPA nan Pathian ka si.

⁴Siasal leiah i mer hlah u, thletmi pathian zong i ser hna hlah u: keimah hi BAWIPA nan Pathian cu ka si.

⁵“Nannih nih daihnak thawinak BAWIPA sinah nan pek tikah cohlan nan si nakhnga in nan pek lai.

⁶Nan pek ni ah ei a si lai, asiloah a thaizing ah; a kiptuh tiang a tangmi paoh cu mei in khangh a si lai.

⁷A kiptuh ah ei a si sual ahcun, mah cucu fihnung a si; cohlan a si lai lo i

⁸a eitu paoh nih a òhat lonak cu a in lai, zeitintiah BAWIPA thil thiang pakhat a thurhhnawmh a si; cu pa cu a mi hna sinin hlonh a si lai.

⁹“Nan lo rawl nan òuan tikah nan lo cu a pawngri tiang taktak in nan òuan lai lo, famua zong nan òuan hnuah nan sua lai lo.

¹⁰Nan mitsur dum kha nan thianh hirhiar lai lo, nan mitsur dum chung i a tlami mitsur thei zong kha nan char hna lai lo; misifak le mipem caah nan nganhtak hna lai: keimah cu BAWIPA nan Pathian cu ka si.

¹¹“Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo.

¹²Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu BAWIPA ka si.

¹³“Na innpa kha na serhsat lai lo i a ramh zong na ramh lai lo. Kuli òuanmi rianòuan man cu zan khuadei a thaizing tiang na sinah i chiah hlah.

¹⁴Hnachet cu va vawlpam hlah, mitcaw hmaiah tlukrilhnak thil va chia hlah, sihmanhsehlaw na Pathian cu va òih ko: keimah hi BAWIPA cu ka si.

¹⁵“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

¹⁶Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi BAWIPA cu ka si.

¹⁷“Na unau cu na lungchung in na hua lai lo, sihmanhsehlaw na innpa cu na chimhhrin lai, amah ruangah sualnak na ing sual lai.

¹⁸Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi BAWIPA cu ka si.

¹⁹“Ka nawlbia kha nan ulh lai. Na saòil cu phun dangdang he fa na ngeihter hna lai lo; na lo ah thlaici phun hnih na tuh lai lo; thil phun hnih in tahmi puan zong naa aih fawn lai lo.

²⁰“Nu pakhatkhat cu sal a si i pa he aa ham cangmi a si nain tlanh rih lo, a luatnak pek rih lo a si, cu nu cu pa pakhatkhat nih pumsa duhnak in a ihpi ahcun, dothlatnak ser awk a si lai. Thah cu an si lai lo, zeicahtiah nu cu a luatmi a si lo;

²¹sihmanhsehlaw pa nih amah caah phungbuar thawinak kha BAWIPA sinah a rak put lai, tonnak thlam innka ah cun, phungbuar thawinak ca i tuukawng cu a rak put lai.

²²Cun tlangbawi nih amah cu phungbuar thawinak tuukawng cun BAWIPA hmaiah sualnak a tuahmi caah cun remnak a serpiak lai i a tuahmi sualnak cu ngaihthiam a si lai.

²³“Ram chung i nan luh i nannih nih rawl caah thingkung a phunphun nan cin tikah, nannih nih cu an theitlai cu ulhmi ah nan rel hna lai; nannih caah kum thum chung ulhmi ah rel a si lai; ei hrimhrim lo awk a si lai.

²⁴Cun a kum linak ah an theitlai vialte cu BAWIPA thangòhat pekchanhnak caah thleidan an si lai.

²⁵Sihmanhsehlaw a kum nganak ah cun an theitlai cu nan ei hna lai, nannih caah tam chin in an tlai nakhnga: keimah cu BAWIPA nan Pathian ka si.

²⁶“Zei sa hmanh a chung i a thi he nan ei lai lo. Kut òial zoh siseh, eih siseh, nan tuah lai lo.

²⁷Nan bep sam nan i met lai lo, nan khahmul zong a par nan riam lai lo.

²⁸Mithi hna ruangah nan taksa zeihmanh i at hlah u, nan pum cungah a òial zong i òial fawn hlah u: keimah cu BAWIPA ka si.

²⁹“Na fanu cu hlawhhlangnu ah ser in thurter hlah, ram cu hlawhhlangnu sinak chungah, a tla lai i òhat lonak a khat sual lai.

³⁰Ka sabbath hna cu nan ulh hna lai i ka hmunthiang cu nan upat hna lai: keimah cu BAWIPA ka si.

³¹“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi BAWIPA nan Pathian cu ka si.

³²“Sam parmi hmaiah cun na dir lai i tar a simi hmai cu na upat lai, cun na Pathian cu na òih lai: keimah cu BAWIPA ka si.

³³“Khual pakhatkhat nih nan ram ah an pem hna tikah a cungah òhat lonak nan tuah lai lo.

³⁴Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu BAWIPA nan Pathian ka si.

³⁵“Tahnak ah mi nan hleng lai lo; a saulei tahnak ah siseh, a rih leiah siseh, a tam leiah siseh, nan lih lai lo.

³⁶A dikmi cuai thlainak, a dikmi cuai lung, a dikmi ephah, a dikmi hin [3] nan hman lai: keimah cu BAWIPA nan Pathian Izipt ram in an chuahtertu hna kha ka si.

³⁷Ka nawlbia vialte le ka phunglam vialte kha nan ulh hna lai i nan tuah hna lai: keimah cu BAWIPA ka si.”