Read Hakha Chin LEVITIKAS 23 Bible Online

LEVITIKAS 23 - Hakha Chin bible

LEVITIKAS 23

¹BAWIPA nih Moses cu a chawnh i,

²“Israel mi cu, a caan khiahmi BAWIPA puai, nannih nih pumhnak thiang caah nan thanh ding, a caan khiahmi ka puai hna cu, mah hihi an si, tiah chim hna.

³Ni ruk chung rianòuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan òuan lai lo; nan umnak cio ah BAWIPA ca sabbath a si.

⁴“Mah hna hi a caan khiahmi BAWIPA puai, a thiangmi pumhkhawmhnak, an ca i khiahmi caan cio i nan thanh hngami cu an si.

⁵Thla khatnak thla, a thla chung ni hleilinak zanlei ah cun BAWIPA lanhtak puai a si lai.

⁶Cun cu thla òhiamòhiam, a ni hleinga ni ah cun BAWIPA ca i thilnu tel lo changreu puai a si lai; ni sarih chung thilnu telh lomi changreu nan ei lai.

⁷A ni khat ni ah a thiangmi pumhnak nan ngei lai, rian fak nan òuan lai lo.

⁸Sihmanhsehlaw mei in pekchanhnak BAWIPA sinah ni sarih nan tuah lai; ni sarih ni ah cun pumhnak thiang a si lai; rian fak nan òuan lai lo,” tiah a ti.

⁹Cun BAWIPA nih Moses sinah,

¹⁰“Israel mi hna sinah hi bangin va chim tuah, ‘Nannih kan pekmi hna ram chungah nan luh i a rawl nan òuan tikah, nan rawl òuanmi theitlai hmasa bik phal cu tlangbawi sinah nan ratpi lai,’

¹¹cun amah nih faphal cu, cohlannak nan hmuh nakhnga BAWIPA hmaiah a hninh lai; sabbath thaizing ah tlangbawi nih cun a hninh lai.

¹²Cun faphal nan hninh ni ah cun tuufa dotla, a pa, kum khat a timi BAWIPA sin i khangh thawinak caah nan thawi lai.

¹³Cun cu he a si òimi changvut thawinak cu changvut dip ephah cheu hra cheu hnih, chiti he cawhmi, BAWIPA sinah mei in thawi awk rimthaw cu a si lai; cun cu he a si òimi thlet thawinak cu mitsur hang hin cheu li cheu khat a si lai.

¹⁴Cun nan Pathian sin i pekchanhnak nan tuah hlantiang, cu ni theng tiang cu, changreu siseh, fangvoi a reu in siseh, a hring in siseh, nan ei lai lo; mah hihi nan techin fapar tiangin nan umnak kip ah zungzal ca nawlbia a si.

¹⁵“Sabbath ni a thaizing, hninh thawinak faphal nan rak put ni khan nan rel lai i

¹⁶zarh sarih kheng a tling lai, sabbath ni ni sarihnak a thaizing ah cun ni sawm nga a si lai; cu caan ah cun rawl thar changvut thawinak cu BAWIPA sinah nan pek lai.

¹⁷Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, BAWIPA ca i theitlai hmasa bik hna caah an si lai.

¹⁸Cun changreu he cun dotla tuufa pasarih kum khat cio a timi le cawtum no pakhat le tuukawng pahnih nan pek lai; BAWIPA caah khangh thawinak an si lai, an changvut thawinak le thlet thawinak hna he cun, BAWIPA ca i rimthaw mei in thawinak a si lai.

¹⁹Cun meheh tum pakhat sual thawinak caah, cun kum khat cio a timi tuufa a pa pahnih daihnak pekchanh thawinak caah nan thawi hna lai.

²⁰Tlangbawi nih theitlai hmasa bik changreu he cun BAWIPA hmai i hninh thawinak caah cun tuufa pahnih he cun a hninh hna lai; BAWIPA ca i a thiangmi, tlangbawi vo an si lai.

²¹Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan òuan lai lo: nan techin fapar tiangin nan umnak kip ah zungzal ca nawlbia a si.

²²“Cun nan ram rawl nan òuan tikah nan lo cu a pawngri tiangin nan òuan lai lo, nan rawl òuan hnuah a mua zong nan sua lai lo; sifak le khual caah nan nganh hna lai: keimah cu BAWIPA nan Pathian ka si,” tiah a ti.

²³Cun BAWIPA nih Moses cu a chawnh i,

²⁴“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

²⁵Rian fak zeihmanh nan òuan lai lo i BAWIPA sinah mei in thawinak nan pek lai,” tiah a ti.

²⁶Cun BAWIPA nih Moses cu a chawnh i,

²⁷“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i BAWIPA sinah mei in thawinak nan pek lai.

²⁸Mah ni hrim ah hin cun rian zeihmanh nan òuan lai lo: zeitintiah remnak ni a si, nannih ca i BAWIPA nan Pathian hmai i remnak ser awk caah tuahmi a si.

²⁹Hi ni i aa temhinter lomi paoh cu a mi hna sinin hlonh a si lai.

³⁰Cun hi ni hrim i rian zeihmanh a òuanmi paoh cu, cu mi cu a mi hna sinin ka hrawh lai.

³¹Rian zeihmanh nan òuan lai lo: nan techin fapar tiangin nan umnak kip ah zungzal ca nawlbia a si.

³²Nannih caah dinh zirziarnak sabbath a si lai i nanmah le nanmah kha nan i temhinter lai; cu thla ni kua ni zanlei in, a thaizing zanlei tiang nan sabbath cu nan ulh lai,” tiah a ti.

³³Cun BAWIPA nih Moses cu a chawnh i,

³⁴“Israel mi hna sinah hi bangin va chim tuah. Hi thla sarihnak thla ni hleinga ni hin ni sarih tiang BAWIPA ca deu puai a si lai.

³⁵A ni khatnak ni ah a thiangmi pumhnak a si lai; rian fak zeihmanh nan òuan lai lo.

³⁶Ni sarih chung BAWIPA sinah mei in thawinak nan pek lai; ni riatnak ni ah a thiangmi pumhnak nan ser lai i BAWIPA sinah mei in pekchanhnak nan tuah lai; mah cucu a liannganmi pumhnak a si; rian fak zeihmanh nan òuan lai lo.

³⁷Hi puai hna hi BAWIPA puai caan khiahmi puai cu an si i pumhnak thiang in nan hman hna lai; Mei in khanghmi thawinak hna pekchanh caan a si lai § cu thawinak hna cu khanghthawinak, changvut thawinak, raithawinak, thlet thawinak an si i anmah nite cio ah tuahmi an si § cun puai hna cu BAWIPA sabbath hna hlei le BAWIPA sinah na pekmi biakamnak thawinak le mah lungtho tein pekchanhmi thawinak hleiah khan a si.

³⁹“Thla sarih thla ni hleinga ni ah, ram chungin a chuakmi nan pumhkhawmh dih tikah, BAWIPA puai cu ni sarih nan ulh lai; a ni khatnak ni ah cun dinh zirziar a si lai i a ni riat ni zongah cun dinh zirziar a si lai.

⁴⁰Cun ni khatnak ni ah aa dawhmi thingkung theitlai hna le ungkung nge hna le, a hnah a buk liailuaimi thingkung nge hna le, tivakam inhliam hna cu nan lak hna lai i BAWIPA nan Pathian hmaiah ni sarih chung nan i lawm lai.

⁴¹Mah puai hi BAWIPA ca puai ah kum khat ah ni sarih nan ulh lai; nan tefachin tiangin zungzal ca nawlbia a si; thla sarihnak thla ah nan ulh lai.

⁴²Deu chungah ni sarih nan um lai; Israel ram mi a simi vialte nih deu chungah an um lai,

⁴³Izipt ram in ka chuahpi hna tikah khan Israel mi hna cu deu ah khua an sa ti kha nan tefa hna nih an hngalh nakhnga deu chungah cun nan um lai, keimah cu BAWIPA nan Pathian ka si,” tiah a ti.

⁴⁴Cu bangin Moses nih Israel mi hna cu a caan khiahmi BAWIPA puai hna kha a thanh hna.