Read Hakha Chin LEVITIKAS 5 Bible Online

LEVITIKAS 5 - Hakha Chin bible

LEVITIKAS 5

¹“Ahohmanh nih thil a hmuhmi ah siseh, a hngalhmi ah siseh, hngaltu a si i zapi hmaiah chiatsertertu aw a theih zongah a chim duh lo ahcun, a sual a òhat lonak kha amah nih a in lai.

²Cun, ahohmanh nih a thiang lomi thil, a thiang lomi saram ruak siseh, a thiang lomi saòil ruak siseh, a thiang lomi a lawnmi ruak siseh a tongh i amah nih a hngalh lo i aa buar ahcun, amah nih a hun hngalh cangka in a mawh lai.

³Cun ahohmanh nih minung thian lonak, zei bantuk thian lonak phun hmanh in thianglo si ai kun, cun amah nih a hngalh lo i a buar ahcun, amah nih a hun hngalh tikah a mawh lai.

⁴Cun ahohmanh nih òhat lonak tuah awk siseh, òhatnak tuah awk siseh, i ruat cungcang loin a hmur in zei bantuk chiatsernak hmanh si ai kun, a ser i amah nih a hngalh lo ahcun, a hun hngalh tikah hi chiatsernak pakhatkhat cungah a mawh lai.

⁵Hi thil pakhatkhat cungah a mawh ahcun, sualnak a tuahmi kha a phuan lai i

⁶sualnak a tuahmi caah khan BAWIPA sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

⁷“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah òhuro pahnih siseh, laileng no pahnih siseh, BAWIPA sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

⁸Tlangbawi sinah a rak put hna lai i tlangbawi nih cun sual thawinak ding ca cu a thawi hmasa lai; a hngawng cu a merh lai, sihmanhsehlaw a lu cu a chat lai lo i

⁹sual thawinak thisen cu tlawmpal in biakòheng sirah a theh lai i thisen a taangmi cu biakòheng hram ah a zor lai; mah cucu sual thawinak a si.

¹⁰Cun, pahnihnak cu a phunglam ning in khangh thawinak caah a thawi lai i sualnak a tuahmi caah khan tlangbawi nih remnak a serpiak lai i ngaihthiam a si lai.

¹¹“Sihmanhsehlaw òhuro pahnih siseh, laileng no pahnih siseh, a ngeih nih a tlinh lo ahcun, sualnak a tuahmi thawinak caah khan, sual thawinak caah changvut dip ephah[1] cheu hra cheu khat a rak put lai; chiti a toih lai lo, frankinsen zong a toih lai lo, zeitintiah mah hi cu sual thawinak a si.

¹²Cun tlangbawi sinah a rak put lai i tlangbawi nih pei khat in a lak lai i biakòheng cungah BAWIPA sin i mei in thawinak cungah cun hngalh camcinnak ah a khangh lai; mah cucu sual thawinak a si.

¹³Cu bantukin tlangbawi nih a caah, hi thil pakhatkhat hna cung i sualnak a tuahmi caah cun remnak a serpiak lai i ngaihthiam a si lai. Cun a taangmi cu changvut thawinak i bantuk khan tlangbawi caah a si lai.”

¹⁴BAWIPA nih Moses kha hi bangin a chimh,

¹⁵“Ahohmanh nih phung a buar i BAWIPA thil a thiangmi pakhatkhat cungah hngalh loin a sual ahcun, BAWIPA sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel[2] ning khan ngun shekel zeizat man a si kha na tuak lai; mah cucu phungbuar thawinak a si.

¹⁶A thiangmi thil cung i a palhsualnak caah cun rulhnak a tuah lai i a cheu nga cheu khat a chap lai i tlangbawi kha a pek lai; cun tlangbawi nih phungbuar thawinak tuukawng khan remnak a serpiak lai i ngaihthiam a si lai.

¹⁷“Ahohmanh nih BAWIPA nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a òhat lonak cu amah nih a in lai.

¹⁸Tuurun chungin tlangbawi sinah tuukawng pakhat dotla, nangmah nih phungbuar thawinak caah a man a za na timi a rak put lai i tlangbawi nih remnak, hngalh loin a tuahmi a palhnak caah khan, a serpiak lai i ngaihthiam a si lai.

¹⁹Mah cucu phungbuar thawinak a si; BAWIPA hmaiah a mawh ko.”