Read Hakha Chin LEVITIKAS 8 Bible Online

LEVITIKAS 8 - Hakha Chin bible

LEVITIKAS 8

¹BAWIPA nih Moses sinah,

²“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

³cun tonnak thlam innka ah mi zapi cu pum hna,” tiah a ti.

⁴Cun Moses nih BAWIPA nih nawl a pek bangin a tuah i mi zapi cu tonnak thlam innka ah cun an i pum.

⁵Cun Moses nih mi zapi sinah cun, “Mah hihi tuah awk tiah BAWIPA nawl pekmi cu a si,” tiah a ti.

⁶Cun Moses nih Aaron le a fapa hna cu a ratpi hna i ti in a kholh hna.

⁷Cun angki leng cu a hruk i, taisawm a sawmh i, tlangbawi angki fual a hruk i, tlangbawi angki a aih i, dawh tein tahmi tlangbawi angki hri in a sawmh, mah hri cun a òem chih.

⁸Cun òangbenh kha a cungah a benh i òangbenh chungah cun Urim le Thummim kha a chiah hna.

⁹Cun lupawng a ponh i a lupawng cungah, hmailei ah, sui kheng, a thiangmi bawi luchin cu, a benh; Moses nih BAWIPA nih nawl a pek bang khan a tuah.

¹⁰Cun Moses nih thuhnak chiti kha a lak i puan biakinn le a chungah a ummi thil vialte kha a thuh hna i a thianter hna.

¹¹Cun chiti cu tlawmpal in biakòheng ah cun voi sarih a theh i, biakòheng le a umkheng vialte le a hmaihum le a hunnak cu thianter awk caah a thuh hna.

¹²Cun thuhnak chiti cu tlawmpal in Aaron lu ah a toih i a thuh i a thianter.

¹³Cun Moses nih Aaron fapa hna cu a ratpi hna i angki leng a hruk hna i taisawm a sawmh hna i lupawng a ponh hna, BAWIPA nih Moses nawl a pek bang khan.

¹⁴Cun sual thawinak cawtum cu a rak put i Aaron le a fapa hna nih sual thawinak cawtum lu cungah cun an kut an chuan.

¹⁵Moses nih a thah i a thi cu a lak i biakòheng ki hna ah cun a velchum in a kutdong in a thuh, cun biakòheng ca i remnak ser awkah biakòheng cu a thianter i a hramah thi cu a thlet i a thianter.

¹⁶Cun a chungril a tuamtu thau vialte le a thin tuamtu le a kal pahnih cu an thau he a lak hna i Moses nih biakòheng cungah a khangh hna.

¹⁷Sihmanhsehlaw cawtum cu a phaw le a sa le a ek he riahbuk lengah mei in a khangh, BAWIPA nih Moses kha nawl a pek bang khan.

¹⁸Cun khangh thawinak tuukawng kha a hun pek; Aaron le a fapa hna nih tuukawng lu cungah cun an kut an chuan.

¹⁹Cun Moses nih a thah i a thi cu biakòheng velchum ah a theh.

²⁰Cun tuukawng cu a can i Moses nih a lu le a sa le a thau cu a khangh hna.

²¹Cun a chungril le a ke hna cu ti in a òawl hna i Moses nih tuukawng cu a pum in biakòheng cungah khangh thawinak caah, rimthaw BAWIPA sin i mei in thawinak caah, a khangh, BAWIPA nih Moses nawl a pek bang khan.

²²Cun a dang tuukawng pakhat, thleidannak tuukawng cu, a pek; cun Aaron le a fapa hna nih tuukawng lu cungah an kut an chuan.

²³Cun Moses nih a thah i a thi cu tlawmpal in a lak i Aaron orhlei hnakhaw parte le a orhlei siapi le a orhlei kepi ah a thuh hna;

²⁴cun Aaron fapa hna cu an ratpi hna i Moses nih thi cu tlawmpal in an orhlei hnakhaw par tete le an orhlei siapi le an orhlei kepi ah a thuh hna; cun Moses nih thi cu biakòheng velchum ah a thlet.

²⁵Cun a thau le a thaumi a mei le a chungril tuamtu thau vialte le a thin tuamtu le a thau he a kal pahnih le a orhlei phei cu a lak hna;

²⁶cun thilnu telh lo changreu bawm BAWIPA hmai i a ummi chung khan thilnu telh lo changreu pakhat le chiti he cawhmi changreu hlum khat le changreu pante dar khat kha a lak hna i sathau cungah le orhlei phei cungah khan a chiah hna;

²⁷cun mah thil vialte hi Aaron le a fapa hna kut chungah a chiah hna i BAWIPA hmaiah hninh thawinak caah a hninh hna.

²⁸Cun Moses nih an kut chungin a lak hna i khangh thawinak he biakòheng cungah a khangh hna, thleidannak thawinak, rimthaw BAWIPA ca i mei in thawinak caah a khangh hna.

²⁹Cun Moses nih a ii cu a lak i BAWIPA hmai i hninh thawinak caah a hninh; BAWIPA nih Moses nawl a pek bangin, mah cucu thleidannak tuukawng chungin Moses vo cu a si.

³⁰Cun Moses nih thuhnak chiti tlawmpal le biakòheng cung i a ummi thi tlawmpal cu a lak i Aaron le a puan hna cu a theh hna i, a fapa hna le a fapa hna puan hna zong cu a theh hna; cu bangin Aaron le a puan hna le a fapa hna le a fapa hna puan hna cu a thianh òi hna.

³¹Cun Moses nih Aaron le a fapa hna cu, “Tonnak thlam innka ah sa kha chuang u law, cuka ah sa le thleidannak thawinak bawm chung i a ummi changreu cu ei u, ‘Aaron le a fapa hna nih an ei lai,’ tiah nawl ka pek bang khan, a ti.

³²Cun sa le changreu a tangmi cu mei in nan khangh lai.

³³Cun tonnak thlam innka in ni sarih chung nan chuak lai lo, nanmah thleidannak ni hna a tlin hlantiang, zeitintiah nanmah thleidannak caah ni sarih a herh lai.

³⁴Nihin i tuahmi bang hin, nannih ca i remnak ser awkah BAWIPA nih nawl a kan pek cang.

³⁵Tonnak thlam innka ah, chunzan in ni sarih chung, BAWIPA nih an fialmi hna tuah awkah, nan thih sual nakhnga lo nan um lai; zeitintiah cu bang cun nawl pek ka si,” tiah a ti.

³⁶Cun BAWIPA nih Moses in nawl a pekmi tuah awk thil vialte cu Aaron le a fapa hna nih an tuah.