Read Hakha Chin JEREMIAH 14 Bible Online

JEREMIAH 14 - Hakha Chin bible

JEREMIAH 14

¹Khua a khen kong ah BAWIPA bia Jeremiah sinah a phanmi:

²“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem òahnak cu a kai.

³A saòil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

⁴Ruah a um lo caah vawlei in theitlai zeihmanh a chuak lo, Lothlo pawl cu an hnabei a dong, An ngaih a chiat caah an luchin kha an i phongh.

⁵Ram lakah sazuk nih fa a hrin, Sihmanhsehlaw ram a um lo caah a fate cu a kaltak;

⁶Ramber a um lo caah ramlak laa hna cu tlangpar hmunkawng ah khan an dir i Cenghngia bangin an lei an i chak i an thaw a ha i an mit a mui.

⁷Kan òhat lonak nih sual kan phaw hmanh seh law, Maw BAWIPA, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

⁸Maw nang, Israel mi nih an i ruahchanmi, harnak caan i a khamhtu hna, Kan ram chungah hin khual bantukin maw na um ko lai? Zan khat riak khualtlawng bantuk maw na si ko lai?

⁹Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw BAWIPA, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.

¹⁰BAWIPA nih hi mi hna kong ah hi bangin a chim: Annih hi ka lam in tlau a duhmi an si i an duhnak paoh ah an vak. Cucaah an cungah lawmhnak a ngei ti lo; an òhat lonak kha a philh lo i an sualnak kha dan a tat hna.

¹¹Cun BAWIPA nih a ka thawh i, “Hi mi hna òhatnak caah hin thlacam hlah.

¹²Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangòam le rai tu in ka thah hna lai,” tiah a ti.

¹³Cun kei nih kaa thawh i, “Maw Bawipa PATHIAN, profet nih an thawh hna i, ‘Vainam nan tong lai lo, mangòam zong nan ing lai lo, hi hmun ah hin daihnak cu kan pek hrimhrim hna lai,’ a ti, tiah an ti hna,” ka ti.

¹⁴Cun BAWIPA nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

¹⁵Cucaah, vainam le mangòam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, BAWIPA nih hi bangin a ti: Cu profet hna cu vainam le mangòam in an thi lai.

¹⁶Cun annih nih an chimhmi hna zong cu an nupile he an fapale hna he an fanule hna he; vainam le mangòam ruangah cun phumtu hmanh ngei loin Jerusalem khua chung lam hna ah cun hlonh an si lai. An hmuh awk hnga a simi òhat lonak kha an cungah ka toih hna lai.

¹⁷Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

¹⁸Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangòam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

¹⁹Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan òha deuh cu na kan ruahchanter òung, zeihmanh a òhami kan hmuh òung lo, Zeicahdah damnak caan cu na kan ruahchanter òung i rawknak lawnglawng a si òung?

²⁰Kan òhat lonak le kan pupa hna sualnak kha na sinah kan phuan ko, Maw BAWIPA, na cungah kan sual ko.

²¹Na min a umnak kha zeirello in um hlah law A sungmi na bawiòhutdan cung zongah nihsawhnak phakter hlah. Kan sin i na biakam cu philh hlah law pakpalawng ah ser sawh hlah.

²²Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw BAWIPA? Hi thil vialte hna a tuahtu hi nangmah lawnglawng na si.