Read Hakha Chin JEREMIAH 18 Bible Online

JEREMIAH 18 - Hakha Chin bible

JEREMIAH 18

¹Mah hihi BAWIPA sinin Jeremiah sinah a rami bia a si;

²“Tho law umsertu inn ah vung kal law khika ah ka bia kha kan chimh lai,” a ti.

³Cucaah umsertu inn ah cun ka vung kal i a lengke kual i rian a rak òuan len ko kha ka vung hmuh.

⁴Voi khat voi hnih cu a sermi um cu a òha in a chuah lo tikah a hrawh òhan tawn i a duhning in um dang ah a ser òhan tawn.

⁵Khi tikah BAWIPA bia cu ka sinah a ra i,

⁶“Maw Israel innchungkhar hna, umsertu nih tlak kha a duhduh in a tuah bantuk hin kaan tuah kho hna lo maw? A kut chung i a ummi tlak bantuk khi ka kut chungah hin nan si.

⁷Zeitik caan paoh ah, miphun pakhat khat si hna seh, ram pakhat khat si hna seh, ka phawi lai, ka òheh lai, ka hrawh lai, tiah ka tlerh ko hnga,

⁸sihmanhsehlaw cu ka tlerhmi miphun nih cun a òhat lonak kha a mertak ahcun a cung i thil òhalo ka tuah lai ka timi kha a òhat deuhnak in ka ruah òhan lai.

⁹Cun voi khatkhat cu miphun pakhat siseh, ram pakhat siseh, ka sak lai i ka phun lai, tiah ka ti ko hnga.

¹⁰Sihmanhsehlaw ka mithmuh ah thil òhalo kha a tuah i ka bia a ngaih lo ahcun, a ca i thil òha tuah kaa timhmi kha ka ruah òhan a herh fawn ko lai.

¹¹Cucaah va kal law, Judah ram mi hna le Jerusalem mi hna cu, mah hihi BAWIPA bia a si tiah va chim hna: Keimah cu umsertu ka si. Nan cung i a tlung dingah thil òhalo kha ka tim lio i nanmah dantatnak ding lam kha ka tuak lio. Lam òhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

¹²Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.

¹³Cucaah BAWIPA bia cu hi bangin a si na ti lai: Miphun hna kha va hal tuah hna u, hi bantuk hi aho tal nih an thei bal maw? Ngaknu thiang Israel nih thil òhalo cem bik a tuah ko.

¹⁴Lebanon tlang par lungpang lakah khan hawhra nih tlak a ngol lai maw? A tlangpang i a luangmi tiva hna cu an reu ko hnga maw?

¹⁵Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

¹⁶Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

¹⁷Nichuahlei thli bantukin annih cu an ral hna hmaiah ka òhek dih hna lai, An òumchuk ni ah ka hmailei chit loin ka hnulei tu ka chit hna lai, a ti.

¹⁸“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um òhiamòhiam ko lai, fim a kan chimtu ah mifim an um òhiamòhiam ko lai i Pathian bia a chimtu ah profet an um òhiamòhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

¹⁹Sihmanhsehlaw a ka raltu hna nih ka cungah an chimmi bia cu ka ruahpiak law ka theihpiak ko.

²⁰Òhatnak hi òhat lonak in maw lehrulh a si lai? Na thinhunnak kha an sinin aa òhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

²¹Cucaah an fale hna cu mangòam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

²²Ralrinnak pek hmasa loin an cungah ramhtu kha tlunter hna, An inn chungin kiaonak le ainak thawng kha thang hna seh, Zeicahtiah ka tlaknak ding caah khor an cawh i Kaa foihnak ding caah rap an chiah.

²³Asi, Maw BAWIPA, nangmah nih keimah thahnak ding caah an timhmi vialte cu na hngalh dih ko; An òhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun òuan ko.