Read Hakha Chin JEREMIAH 21 Bible Online

JEREMIAH 21 - Hakha Chin bible

JEREMIAH 21

¹Siangpahrang Zedekiah nih Malkhiah fapa Pashhur le Ma-aseiah fapa tlangbawi Zefaniah cu Jeremiah sinah hi bia he a hei thlah hna i,

²“Babilon siangpahrang Nebukhadnezzar nih a kan tuk caah hin BAWIPA cu rak kan halpiak tuah. BAWIPA nih cun hlanah a rak tuah tawn bantuk khan khuaruahharnak a hei tuah ko hnga i Nebukhadnezzar nih a kan kulhnak hi a lak zong a hei lak òhan ko hnga,” a ti.

³Khi tikah Jeremiah nih annih cu a leh hna i

⁴hihi BAWIPA, Israel Pathian bia cu a si tiah Zedekiah cu va chim u: “Babilon siangpahrang le Khaldi mi hna, khua kulhnak hau lengin an kulhtu hna na dohnak nangmah hriamnam lila kha na cungah ka tlunter hna lai. Annih cu hi khuapi a laifang ah hin ka luhpi hna lai.

⁵Keimah hrimhrim nih thinhunnak le thinlinhnak le samhmi kut le ban òhawng he kan doh lai.

⁶Hi khua chungah a ummi hna minung he saòil he ka thah hna lai; annih cu rai òhalo ngaiin an thi lai.

⁷Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangòam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

⁸Cun BAWIPA nih Jeremiah cu a thawh i, “Hi miphun cu hi tiin na chimh fawn hna lai. Hi bangin BAWIPA nih a ti: Zohhmanh u, nunnak lam le thihnak lam i thim awkah kan pek hna.

⁹Hi khuachung i a tangmi paohpaoh cu vainam le mangòam le rai in an thi lai; sihmanhsehlaw a chuak i an kulhtu hna Khaldi mi hna sinah aa pemi cu an nung lai; a nunnak ceoceo tal cu aa luatpi lai.

¹⁰Hi khua hi ka hmai ka thuhtak cang, an cung i òhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah BAWIPA nih a ti,” tiah a ti.

¹¹“Jeremiah, Judah siangpahrang innchungkhar, David Siangpahrang tefa hna cu, BAWIPA nih ka chimmi kha va chim tuah hna: Nifate in dinnak kha tuah a si nakhnga i zuam u. Hlenmipa kha a hlengtu sinin va chanh u. Cucu nan tuah lo ahcun, òhat lonak nan tuahmi nih hin ka thinhunnak cu hmih khawh lomi mei bantukin a alhter sual lai.

¹³Jerusalem, nang cu nelrawn cung i lungpi a dirmi bantukin nelrawn cungah sangpi ah na òhu. Sihmanhsehlaw BAWIPA keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

¹⁴Sihmanhsehlaw BAWIPA keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi BAWIPA keimah nih ka chim,” tiah a ti.