Read Hakha Chin JEREMIAH 29 Bible Online

JEREMIAH 29 - Hakha Chin bible

JEREMIAH 29

¹Profet Jeremiah nih Jerusalem khua in, saltangmi hna an upa hna le tlangbawi hna le profet hna le mi vialte hna, Nebukhadnezzar nih Jerusalem in Babilon ah a kalpimi hna kha ca a kuat hna.

²Mah cucu Jekoniah[3] siangpahrang le a nu siangpahrang bawinu le tilditmi hna le Judah le Jerusalem bawi hna le zungthiam hna le soser hna kha, Jerusalem khua in an kal hnuah a òialmi a si.

³Judah siangpahrang Zedekiah nih cun Safan fapa Elasah le Hilkiah fapa Gemariah cu cu ca he cun Babilon siangpahrang Nebukhadnezzar sinah a thlah hna. Profet nih a òialmi cu hihi a si:

⁴“Ralkapbu BAWIPA, Israel Pathian nih hitin a ti: Jerusalem in Babilon ah sal ah ka kaltermi vialte hna sinah,

⁵Inn rak i sak hna u law a chungah rak um ko hna u; dum rak i ser hna u law, a chuakmi rak ei ko hna u,

⁶nupi rak i òhit hna u law fapa hna le fanu hna rak ngei ko hna u; nan fapale kha nupi rak òhitpiak hna u law nan fanule kha va rak ngeihter hna u law, fanu hna le fapa hna kha rak hring ko hna seh, khaka ah khan nan karhcho i a zorlei nan si nakhnga lo.

⁷Sal ah kan tanternak hna khuapi kha a òhatnak ding kawl cio u law kha khua caah khan BAWIPA sinah thla cam cio ko u; zeicahtiah a òhat ahcun nannih zong òhatnak nan hmu ve lai.

⁸Hi bangin Ralkapbu BAWIPA, Israel Pathian nih a ti: Nan lak i a ummi profet hna le litin thiam hna kha i hlenter hna hlah u, mangmanh nan fialmi hna mifim kha an bia ngaihpiak hna hlah u.

⁹Annih nih ka min in lih an in chimh hna, annih cu ka thlahmi an si lo, tiah BAWIPA nih a ti.

¹⁰“Mah hihi BAWIPA chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak òhan hna lai i thil òha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi òhan hna lai.

¹¹Nan ca i ka tinhmi cu keimah lawnglawng nih ka hngalh, tiah BAWIPA nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

¹²Nan ka hal i ka sinah thla nan cam ahcun nan bia kan ngaihpiak hna lai.

¹³Nan ka kawl tikah nan ka hmuh lai; nannih nih nan lung dihlak in nan ka kawl tikah

¹⁴keimah cu nan ka hmuh lai, tiah BAWIPA nih a ti. Cun nannih cu nan vanòhatnak kha kan pek òhan hna lai i miphun vialte hna sin le hmun kip i kan òhawl hnanak hmun khan kan pumh òhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi òhan hna lai, tiah BAWIPA nih a ti.

¹⁵“Nannih nih, Babilon ah BAWIPA nih profet a kan pek ve ko, nan ti.

¹⁶David bawiòhutdan ah a òhumi siangpahrang kong ah le hi khua chungah khua a sami, nan sinah saltannak chungah a kal lomi nan phunhawi mi hna kong i BAWIPA bia hi ngai tuah u:

¹⁷Mah hihi Ralkapbu BAWIPA bia cu a si: An cungah vainam le mangòam le rai kha ka tlunter lai i theipi òhalo, a òhat lo tuk ca i ei awk tlak a si lomi bantuk ah ka ser hna lai.

¹⁸Annih cu vainam le mangòam le rai in ka zulh hna lai i vawlei cung ram kip ah tuksapur ah ka ser hna lai, ka òhawl hnanak miphun kip sinah khan fihnung le òeifiak, zawmhtaih awk le nihsawh awkah ka ser hna lai.

¹⁹Hihi an cungah a tlung lai, zeicahtiah annih sinah ka profet kha ka thlah lengmang ko hna nain, ka bia kha an ngai duh lo, tiah BAWIPA nih a ti.

²⁰Sihmanhsehlaw nannih saltangmi hna, Babilon ah Jerusalem in ka kaltermi hna, keimah BAWIPA bia hi ngai tuah u:

²¹“Nan sinah lih in bia a chimmi Kolaiah fapa Ahab le Maaseiah fapa Zedekiah kong ah Ralkapbu BAWIPA, Israel Pathian bia cu hi bangin a si: Annih cu Babilon siangpahrang Nebukhadnezzar kut ah ka chanh hna lai i nan mithmuh hrimhrim ah a thah hna lai.

²²Jerusalem in Babilon ah sal ah kalpimi hna nih, chiat ser an duh tikah, ‘Babilon siangpahrang nih a nung in a kiaomi Zedekiah le Ahab bantukin BAWIPA nih na cungah tuah seh,’ tiah an ti lai.

²³Annih nih mihrut bantukin thil an tuah caah hi òhat lonak hi an cungah a tlung lai § mi nupi cung sualnak an tuah i ka min in lih an chim. Mah hihi BAWIPA duhnak he aa ralchanhmi a si; an tuahmi cu ka hngalh i an cungah tehte ka si, tiah BAWIPA nih a ti.”

²⁴Ralkapbu BAWIPA, Israel Pathian nih, Nehelam fapa Shemaiah sin i va chim awk bia a ka pek. Nehelam nih cun Jerusalem khuami vialte hna le Maaseiah fapa profet Zefaniah le tlangbawi dang vialte hna sinah khan amah min in ca a rak kuat i a ca chungah cun Shemaiah nih khan Zefaniah cu

²⁶“BAWIPA nih Jehoiada hmun ah khan tlangbawi ah an ser cang i atu cu biakinn chungah bawi bik na si cang. Cucaah na rian cu profet ka si aa timi, mihrut hna paoh kha thir cincik in khih le an hngawng i thirkual oih kha a si lai.

²⁷Zeicahdah Anathoth khuami Jeremiah, mi sinah profet biachim in bia a chim lengmangmi cungah khan zeihmanh na tuah bal lo?

²⁸Babilon i a ummi hna kha, khika ah khan saltang saupi nan si lai caah inn le lo i khuar hna u law dum i ser hna u law, nan cinthlakmi khan i cawm hna u, tiin ca a kuat hna caah amah kha thlauh hrimhrim awk a si,” a ti

²⁹Cu ca cu Zefaniah nih khan a ka relpiak i

³⁰BAWIPA nih a ka thawh i

³¹hi bia Nehelam mi Shemaiah kong bia hi, Babilon i a ummi saltang vialte kha kua hna a ka ti:

³²“Keimah BAWIPA nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil òha ka tuah ding kha a thih hlanah a hmu manh hna lai lo. Keimah BAWIPA nih hi bia cu ka chim,” tiah a ka ti.