Read Hakha Chin JEREMIAH 32 Bible Online

JEREMIAH 32 - Hakha Chin bible

JEREMIAH 32

¹Judah siangpahrang Zedekiah a bawi kum hra kum ah Jeremiah sinah BAWIPA bia kha a phan, cu kum cu Nebukhadnezzar a bawi kum hleiriat kum a si ve.

²Cu caan ah cun Babilon siangpahrang ralkap hna nih Jerusalem kha an kulh i profet Jeremiah cu siangpahrang bawi inn he aa pehmi ralvengtu hna inn tual ah khan thong ah a tlak lio a si.

³“BAWIPA nih, ‘Hi khua hi Babilon siangpahrang sinah ka pek lai i a lak lai.

⁴“Zedekiah Siangpahrang hi Babilon mi hna kut in a luat lai lo. Babilon siangpahrang sinah khan pek a si lai i amah cu hmaitonh tein a hmuh lai i a pum hrimhrim in a chawnh lai.

⁵Zedekiah cu Babilon ah an kalpi lai i khika ah a cung i rian ka òuan hlantiang a um lai. Babilon mi kha do hmanh hna seh law, a tei hna lai lo, tiah BAWIPA nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

⁶Jeremiah nih cun, “BAWIPA bia ka sinah a ra phan i,

⁷‘Na pacheu Shallum i a fapa Hanamel cu na sinah a ra lai i, “Anathoth i a ummi ka lo cu ka caw tuah, zeicahtiah nangmah cu a ka naihmi ka rualchan na si bangin lo tlanhnak nawl cu nangmah ta a si,” a ti lai,’ a ka ti,” tiah a ti.

⁸BAWIPA nih a ka chimh chung bangin ka unau Hanamel cu ka sinah ralvengtu hna inntual ah cun a ra i, “Benjamin ram chung Anathoth khua i ka lo cu ka caw tuah, zeicahtiah cu lo ngeih awk le tlanhnak nawl cu nangmah ta a si, nangmah cu a ka naih bikmi ka rualchan na si bangin; nangmah nih ka caw ko,” tiah a ti. Khi tikah mah hihi BAWIPA bia a si ti kha ka hngalh.

⁹Cucaah Anathoth khua i lo cu ka unau Hanamel sin khan ka cawk i a man cu ka thlaipiak, ngun shekel hleisarih a si.

¹⁰Hnatlaknak ca cu ka min ka thut i min khenhnak in ka khenh i tehte kha ka hngalhpi u ka ti hna i tangka kha a thlainak ah ka thlai.

¹¹Cun kan i cawknak ca hna kha, min khenhnak i cabawm i khenh chihmi he, cun a kawipa cabawm i khumh lomi he khan ka lak hna i

¹²Mahseiah fapa Neriah i fapa Baruk kha, ka unau Hanamel hmaika ah cun, i cawknak ca chung i an min aa òialmi tehte hna le ralvennak inntual i Judah mi a òhumi hna hmaika ah khan ka pek.

¹³An dihlak hmaika ah cun Baruk cu ka thawh i,

¹⁴“Hihi Ralkapbu BAWIPA, Israel Pathian bia cu a si: Hi kan i cawknak ca hna hi, minkhenhnak in cabawm i khenh chihmi he cun a khawpi cabawm i khumh lomi he hin i lak hna law, saupi chiah khawh an si nakhnga tlak um chungah va khumh hna.

¹⁵Zeicahtiah Ralkapbu BAWIPA, Israel Pathian bia cu: Hi ram chungah hin inn hna, lo hna, mitsur dum hna, i zuarh i cawk an si òhan lainak caan a ra lio, ti hi.

¹⁶Cawknak ca cu Neriah fapa Baruk kha ka pek hnuah BAWIPA sinah thla ka cam i,

¹⁷‘Maw Bawipa PATHIAN, Na òhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

¹⁸Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

¹⁹Maw a lianngan i a òhawngmi Pathian, na min cu Ralkapbu BAWIPA a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.

²⁰Izipt ram chungah khan hmelchunhnak le khuaruahharnak kha na tuah hna i nihin tiang zong hin Israel mi hna lak le minung vialte hna lakah na tuah lengmang ko rih hna, cun nihin ni tiang i a nungmi min kha nangmah nih naa ser.

²¹Izipt ram in na mi hna cu hmelchunhnak le khuaruahharnak he, a òhawngmi kut le samhmi ban le òih a nungmi òhawnnak he na chuahpi hna.

²²Cun an pupa hna sinah chiatser in na kammi hi ram, khuaihliti le cawhnuk in a luangmi ram hi annih cu na pek hna.

²³Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi òhat lonak vialte hi an cungah na tlunter.

²⁴Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangòam le rai nih khuapi cu an kut chungah a tlakter lai. BAWIPA, nangmah nih na chimmi cu a tling ko cang ti kha na hmuh ko.

²⁵Sihmanhsehlaw maw BAWIPA PATHIAN, Babilon mi hna nih khuapi kha la dengmang cang hna hmanh seh law, tehte hna hmaiah lo kha a ka cawktertu cu nangmah na si,” tiah ka ti.

²⁶Cun BAWIPA nih Jeremiah cu a thawh i,

²⁷“Keimah cu BAWIPA, mi vialte i Pathian ka si. Ka caah a si kho lomi thil zeital a um maw?

²⁸Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

²⁹Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

³⁰Hlan lio tein Israel mi hna le Judah mi hna nih hin ka duh lomi lawngte kha an tuah lengmang ko; Israel mi nih siasal an sermi khan ka thin an ka phawh.

³¹Hi khua nih hin tlak a si ka in atu tiang ka thinhunnak kha a tuah lengmang i ka thin kha a ka phawh lengmang, cucaah ka hlonh ko lai;

³²Israel le Judah nih an siangpahrang hna le an bawi hna le an tlangbawi hna le an profet hna le Jerusalem le Judah ram chung i a ummi an mi hna nih òhat lonak an tuahmi in ka thin an ka phawh cang.

³³An hnulei an ka chit i an hmai kha an ka mertak; anmah cawnpiak awkah kaa zuam lengmang nain ngaih an duh lo i zulh zong an duh lo.

³⁴An thil fihnung siasal hna cu ka min umnak inn chungah khan an chiah hna i an thurhnawmhter.

³⁵Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

³⁶“Cucaah BAWIPA, Israel Pathian nih aa thawh i, ‘Jeremiah, hi mi hna cu raltuknak le mangòam le rai nih hi khuapi cu Babilon siangpahrang kut chungah a phakter lai, tiah na chimh hna. Sihmanhsehlaw atu cu chim awk ka ngeih rihmi kha ngai tuah.

³⁷Ka thin hun le ka thin linh le ka thin han in ka dawinak hna ram vialte chung khan ka pumh òhan hna lai i hi hmun ah hin ka ratpi òhan hna lai i ahohmanh nih hnahnawh lo tein ka umter hna lai.

³⁸Annih cu ka mi an si lai i kei cu an Pathian ka si lai.

³⁹Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a òhami keimah òih zungzal kha a si lai.

⁴⁰Annih he zungzal in a hmunmi biakamnak kha ka ser lai i donglo in ka òhatnak in ka vorh hna lai; an lung kha keimah òihnak in ka khahter lai i keimah sinin an pial ti lai lo.

⁴¹An cungah kaa lawm lai i an ca i òhatnak tuah kha ka tha a nuam lai, cun zumh awk tlak tein ka lung le ka thin taktak in hi ram chungah hin ka phun hna lai.

⁴²“Hi mi hna cungah hi tluk a nganmi òhat lonak ka tlunter bantuk hin, anmah ka kamhmi hna òhatnak vialte kha ka pek hna lai.

⁴³Jeremiah, hi ram hi minung siseh, saram siseh, an um lonak thetse ram bantuk a si lai tiah na ti i Babilon mi sinah pek a si lai, na ti. Sihmanhsehlaw hi ram chungah hin lo kha i cawk le i zuarh an si òhan lai.

⁴⁴Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si òhan lai i cawknak ca hna cu minthut le minkhenhnak in khenh le tehte theihhngalh in tuah an si òhan lai, zeicahtiah an vanòhatnak cu ka pek òhan hna lai,” tiah BAWIPA nih a ti.