Read Hakha Chin JEREMIAH 49 Bible Online

JEREMIAH 49 - Hakha Chin bible

JEREMIAH 49

¹Ammon mi hna kong ah BAWIPA nih hi bangin a ti: “Israel nih hin fapa a ngei hna lo maw? Rocotu a ngei lo maw? A si kun ah cun, zeicahdah Milkom nih Gad ram cu a co i Amah a biami hna cu Gad ram chung khua ah hin an um?

²Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah BAWIPA nih a ti; Òiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah BAWIPA nih a ti.

³Maw Heshbon òap tuah, zeicahtiah Ai khua cu a rawk dih cang. Rabbath Ammon khua pawngkam i a ummi khuate hna, ai tuah u, Buri i hruk u law, nan òang i cum tuah u, nan pum cu nam in i at dih tuah u. Zeicahtiah Milkom cu saltannak chungah a kal lai, A tlangbawi hna le a bawi hna he khan an kal lai.

⁴Nannih òhawnnak a dong cuahmahmi hna, Zeicahdah nan òhawnnak cu nan i porhlawt len ko? Nannih mah hriamnam aa bochanmi lamtlaumi hna, Zeicahdah nan hriamnam cu nan i bochan i ‘Ahohmanh nih an kan tu ngam lai lo,’ nan ti?

⁵Zohhmanh, a kenkip in nan cungah òihnung ka tlunter lai i A ping i a zammi kha a pumkhawltu ding ahohmanh um loin nan dihlak in i comcawroi loin nan zam lai.

⁶Sihmanhsehlaw hi hnuah hin Amon mi hna cu, An vanòhatnak kha ka pek òhan hna lai, tiah BAWIPA nih a ti.

⁷Hihi Edom kong ah Ralkapbu BAWIPA nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

⁸Dedan khuami hna cu an i mer i an zam i lamhlapi ah an i thup; Zeicahtiah Esau tefa hna cu ka hrawh cang hna lai, An cung i dantatnak ka tlunter caan kha a phan cang.

⁹Mitsur thei lotu kha nan sinah an rat tikah a mua cu an nganh ding a si, Cun zan ah mifir nih na thei tlaiter kha fir seh law A duhmi lawng kha a lak ko lai.

¹⁰Sihmanhsehlaw Esau cu a takfangkarao in ka chiah, Aa thuhnak hmun kha ka hun hna i thuhnak hmun khuazeihmanh ah a ngei ti lo. A fale hna le a unau hna le a innpa hna kha hrawh an si i Amah bawmtu ahohmanh an um ti lo.

¹¹Ngakòah na fale cu ka sinah kaltak hna law keimah nih nungdam tein ka zohkhenh hna lai; Na nuhmei hna nih keimah cu ka hngal òhan hna seh, a ti.

¹²“Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

¹³Bozrah khua cu tuksapur le òiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah BAWIPA nih a ti.

¹⁴Jeremiah nih, “Miphun hna sinah lamkaltu kha thlah a si i ‘Nan ralkap hna cu pum hna u law Edom cu tu u, I tuknak ding caah khan tho u,’ tiah a au tikah khan. Hi bia cu BAWIPA sinin ka theih,” tiah a ti.

¹⁵“Zohhmanh, nangmah cu miphun hna lakah a hme bik le mi vialte i nihsawhmi ah kan ser.

¹⁶Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan òhumh lai,” tiah BAWIPA nih a ti.

¹⁷Edom cu tuksapur a simi hmun ah a cang lai; khikalei i a kalmi paoh cu an tuksa a purh hna lai i a cung i harnak a tlungmi vialte ruangah khan an nihsawh lai,

¹⁸Sodom le Gomorrah le an pawngkam khua vialte bantuk khan a rawk lai, tiah BAWIPA nih a ti. Khika ah ahohmanh khua an sa lai lo, minung ahohmanh innlo a khuarmi an um lai lo.

¹⁹Zohhmanh, Jordan tiva kam tupi chungin a hung chuak i zungzal in a hringmi saòil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng òha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

²⁰Cucaah Edom cungah BAWIPA nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

²¹Edom cu a tluk tikah a thawng a than tuk caah vawlei aa hnin lai i a ainak thawng cu Rili Sen tiangin a thang lai.

²²A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

²³Damaskas kong ah BAWIPA nih a chimmi bia: Hamath le Arpad cu thawng òhalo an theih caah an hnabei a dong; A dai kho lomi rili bantukin an khuaruah a har caah an i let lengmang ko.

²⁴Damaskas cu a lung a dong cang i a zam; A thin a phang, a therh i nau nganfah nih a tlaih cang.

²⁵Lunglawmhnak khua a rak si tawnmi, Lawmhnak hla an sak tawnnak khua kha, Ngaihchia lungleng a si ai cang.

²⁶Cucaah khualak lam ah a tlangval hna cu an tlu lai i Khi ni ah a ralkap hna cu thihnak chungah dai tein an it ko lai, tiah Ralkapbu BAWIPA nih a ti.

²⁷Cun Damaskas kulhnak vampang cu mei in ka duah lai i Benhadad siangpahrang inn hna cu a kangh dih hna lai.

²⁸Babilon siangpahrang Nebukhadnezzar nih a teimi Kedar miphun le Hazor khua uktu bawi hna kong ah Bawipa nih a chimmi bia: Tho tuah u, Kedar cu tu tuah u, Nichuahlei mi Arab mi hna kha hrawk hna u.

²⁹An thlam hna le an tuurun hna le an puanzar hna le an thilri vialte kha chut dih hna u, An kalauk zong kha kalpi hna u law, Mi cu, ‘Nan velchum in òihnung a um,’ tiin chim hna u.

³⁰Zam u, zam u, khulrang in zam u, Maw Hazor i a ummi hna, lamhlatpi ah vaa thup u, Zeicahtiah Babilon siangpahrang Nebukhadnezzar nih nan ca i òhat lonak dingah khua a khan i tinhmi pakhat a ser cang, tiah BAWIPA nih a ti.

³¹Tho u, a daithlangmi miphun kha fuh hna u sih, An ruahnak sawhsawh lawng i him tein khua a sa i kutka siseh, kothrolh siseh, a ngei òung lomi kha tu hna u sih.

³²An kalauk hna cu hranchaw ah kalpi an si lai i An saòil run tampi hna cu hranchaw ah an cang lai. An bep sam aa metmi hna kha a kenkip ah ka òhek hna lai i An pawngkam hmun kip in an cungah rawhralnak ka ratter lai;

³³Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah BAWIPA nih a ti.

³⁴Judah siangpahrang Zedekiah a bawi hramthawk ah Elam kong i profet Jeremiah sinah BAWIPA bia a rami:

³⁵Hi bangin Ralkapbu BAWIPA nih, a ti: Zohhmanh, Elam likuk, an òhawnnak hriamnam òha bik cu ka khiah lai;

³⁶Van òhen li i òhenmi khan Elam cungah thli pali ka tlunter lai; Hi thli pali hna sinah hin ka òhek hna lai i Elam ram in saltang an phanh lonak miphun zeihmanh an um lai lo.

³⁷Elam cu anmah hrawh awk aa timmi an ral hna hmaiah khan ka hrawh lai. An cungah ka thinhunnak ka chuahter ciammam lai i ka hrawh dih hna lai, an loh cikcek hlantiang, vainam in ka hrem hna lai.

³⁸Khi tikah ka bawiòhutdan cu Elam ah ka chiah lai i khika siangpahrang le a bawi hna cu ka hrawh hna lai, tiah BAWIPA nih a ti.

³⁹Sihmanhsehlaw hmailei caan ah cun Elam cu a vanòhatnak kha ka pek òhan lai,” tiah BAWIPA nih a ti.