Read Hakha Chin JEREMIAH 8 Bible Online

JEREMIAH 8 - Hakha Chin bible

JEREMIAH 8

¹“Khi caan ah, Judah siangpahrang hna ruh le a bawi hna ruh le tlangbawi hna ruh le profet hna ruh le Jerusalem khua chung mi hna ruh cu an thlan in chuah an si lai, tiah BAWIPA nih a ti.

²Cun annih nih an rak duh hna i an rian an rak òuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

³Hi miphun òhalo chungin a nungmi paohpaoh nih hin, ka òhawl hnanak hmun kip ah, nun nakin thih an duh deuh lai,” tiah Ralkapbu BAWIPA nih a ti.

⁴Annih cu, BAWIPA nih hi bangin a ti, tiah na chimh hna lai: Mi nih an tluk tikah an tho òhan kho ti lo maw? Pakhat khat cu lam an tlau tikah, an kir òhan kho ti lo maw?

⁵A si kun ahcun, ziahdah ka mi hna hi anmah duh bantuk lawngin an um ko kun hnga? Ziahdah hlennak kha fek òhup in an i tlaih peng ko i Ka nawlngaihnak lei ah khan kir an duh hnga lo?

⁶An bia kha ka ngaih hna i biatak ka theihmi pakhat hmanh a um lo, ‘Aa, zei hen ka tuah,’ tiah ngaihchia in a òapmi misual pakhat hmanh ka hmu hna lo. Raltuknak hmun chungah rangtum a lut cutmatmi bantukin Anmahle an kalnak lam cio ah khan lu hlinh in an lut cio ko.

⁷Van i a zuangmi vaca nih khin amah a kai caan te kha a hngalh i Òhuro le laiphudit le langta hna nih anmahle an kir caan te kha an hngalh cio, Sihmanhsehlaw ka mi hna nih cun ka phunglam kha an hngal lo.

⁸Zeitindah, ‘Kannih cu kan fim i BAWIPA phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

⁹Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. BAWIPA bia cu zei ah an rel ti lo, An fimnak cu zei bantuk fimnak dah a si?

¹⁰Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

¹¹Ka mi hna cu an hma kha an menpiak ko hna, sihmanhsehlaw a parpavuan lawng a si, ‘A òha dih ko lai,’ an ti, A òha dih ko lai? Zei cu dah a òha dih ko hnga?

¹²Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah BAWIPA nih a ti.

¹³An rawl òuanpiak kha ka duh ko hna, Sihmanhsehlaw mitsur ruang ah mitsur tlai a um lo i Theipi kung ah thei zong a um lo; An hnah hmanh kha an car dih, tiah BAWIPA nih a ti.

¹⁴Zeicahdah nan òhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah BAWIPA cungah kan sual caah, BAWIPA kan Pathian nih hrawh awkah a kan ruah cang i Sivai paihmi ti kha din awkah a kan pek cang.

¹⁵Zeihmanh a òhami a um lo tikah hin khuaawng pemh kan i ruahchan kho hnga maw? Òihnung a tlak cutmat tikah hin dinhnak kan i ruahchan kho hnga maw?

¹⁶An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

¹⁷Zohhmanh u, nan lakah rul kan thlahhnawh hna lai, Ahohmanh nih an camh khawh lomi pinger hna cu, kan thlahhnawh hna lai. Annih nih cun an in cuk hna lai, tiah BAWIPA nih a ti.

¹⁸Zeitindah ka ngaihchiatnak hi ka in khawh lai? Ka lung si a vang.

¹⁹Ram hlapi ah a ummi ka mi hna au thawng cu ngai hmanh: ‘BAWIPA cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

²⁰Rawl òuan caan aa lim cang, òhal caan a dih cang, Kannih cu khamh kan si hlei lo, tiah an ti.

²¹Ka mi hna cu hma an in kha ka hmuh tikah ka lungre a thei; Ngaihchiat in ka òap i ka lung a dong cikcek.

²²Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?