Read Hakha Chin ÒAHNAK HLA 2 Bible Online

ÒAHNAK HLA 2 - Hakha Chin bible

ÒAHNAK HLA 2

¹Bawipa nih a thinhun in Zion fanu cu muihnak in a khuh ai! Israel sunparnak cu vancung in vawlei ah a thlak i A thinhun ni ah cun Zion cu a ke chiahnak a si kha a hngal ti lo.

²Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a òhumh hna i a thurhhnawmhter hna.

³A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna; Jakob chungah cun meizik bangin a alh i a pawngkam vialte kha a kangh dih.

⁴Ral bantukin a li kha aa koih; Ral bantukin a dir i A rak lawmh tawnmi vialte hna kha A ban òhawng in a thah hna; A thinhunnak cu mei bangin Zion fanu thlam cungah a bungh dih.

⁵Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

⁶Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. BAWIPA nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

⁷Bawipa nih amah biakòheng lila kha a hlawt i A hmunthiang kha chiat a serh. A inn vampang hna cu ral kut chungah khan a pek hna; BAWIPA innchung hrimhrim ah khan Puai tuah ni i teinak hawhawt bantukin an au.

⁸BAWIPA nih Zion fanu kulhnak vampang hna cu hrawh awkin a ruah hrimhrimmi a si; A hri in an hmetngan kha a tah hna i Hrawh awkah khan a kut aa sum lo; Ralhruang chuntlung le vampang hna kha a òahter hna i An pahnih in hnabeidong in an ril ko.

⁹A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih BAWIPA sinin langhnak an hmu fawn lo.

¹⁰Zion fanu upa hna cu vawlei ah an òhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

¹¹Ka òahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

¹²‘Khuazei ah dah rawl le mitsur hang kan hmuh khawh lai?’ tiah an au § Khuachung lam ah cun hliammi hna bantukin an ba, an nule òang chungah cun ha lengmang in an thaw an chuah.

¹³Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahòhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

¹⁴Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.

¹⁵A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

¹⁶Na ral vialte hna nih khan an in nihsawh: An in cekcekhnawh i an hacang an in rial hnawh i, Aa, hika hi kan phan cang, Hi ni hi pei kan rak ngan lengmangmi kha a si cu; Kan hmuh taktak cang hi ta,’ an ti.

¹⁷BAWIPA nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

¹⁸Bawipa sinah cun lungriam tein òap tuah, Maw Zion fanu vampang; Na mitthli cu a chun a zan in tla thluahmah ko seh. Caan tlawmte hmanh i din hlah Na mitthli zong hul hrim hlah seh.

¹⁹Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

²⁰BAWIPA, run zoh law run hmu tuah; Hi bantukin na hremmi hi ahodah a si? Nu nih an paw theitlai, Him tein an hrinmi cu an ei ko hna lai maw? Tlangbawi le profet hna cu Bawipa hmunthiang chungah thah an si ko lai maw?

²¹Khuachung lam ah khin mino he micang he an ril liangluang ko. Ka ngaknu thiang hna le ka tlangval hna cu vainam le rai in an tlu cang; Nangmah nih na thinhun ni ah na thah hna i zaangfahnak um loin na thah hna.

²²Keimah doh awkah ka ral hna cu, puai tuah awkah aa pummi bantukin, a kenkip in na auh hna; BAWIPA thinhun ni ah cun pakhat hmanh an luat lo; pakhat hmanh an nung lo. Him tein ka hrinmi hna le ka cawmmi kha an dihlak in ka ral nih an hrawh hna.