Read Hakha Chin ÒAHNAK HLA 5 Bible Online

ÒAHNAK HLA 5 - Hakha Chin bible

ÒAHNAK HLA 5

¹Maw BAWIPA, zei nih dah a kan tlakhnawh kha philh hlah; Run zoh law zeitluk in dah nihsawh kan si kha run kan hmu tuah.

²Kan pale sinin kan comi ro cu khual sinah pek an si i Kan inn hna cu ramdangmi sinah pek an si.

³Kannih cu pa ngei loin, ngakòah bantuk kan si, Kan nule hna cu nuhmei bantuk an si.

⁴Kanmah ti lila kha din kan duh ah kan cawk a hau i Kanmah thing lila kha phaisa in kan cawk lawngah kan ngeih khawh.

⁵Hngawngkual cu kan hngawng ah khinh kan si i a luan tuk in hnek kan si; Kan tha a ba nain dinh mui kan hmu lo.

⁶Kannih cu rawl kha an kan pek nakhnga a chel ah Izipt mi hna he remnak kan tuah, A chel ah Assiria mi hna he kan tuah.

⁷Kan pupa hna nih an rak sual i atu ah an um ti lo, Annih sualnak thilrit kha kannih nih kan phorh.

⁸Sal hna cu kan uktu ah an i cang i annih sinin a kan chuahtu ahohmanh an um lo.

⁹Ni lin lakah thih le thih tiin Kan rawl kha ramlak in kan rak i phorh.

¹⁰Rawlòam linhsatnak nih kan cuar cu Somei nih a nahter bantukin a nahter.

¹¹Zion ah nu kha tlaihhrem an si; Judah ram khua hna ah ngaknu thiang kha tlaihhrem an si.

¹²Bawi hna cu an kut in thlai an si i upa nih upatnak an hmu lo.

¹³Facang rialnak ah tlangval hna cu an ba i An thing phor nih a neh hna caah pa ngakchia cu an ril.

¹⁴Upa nih hauka i an biaceihnak kha an ngol i Tlangval nih tingtang hri kha an pet ti lo.

¹⁵Lawmhnak nih a kan zamtak cang i Kan lamnak hna cu òahnak ah an cang cang.

¹⁶Pangpar òhirual cu kan lu cungin an tla cang; Harnak nih a kan khuh cang, misual kan si caah.

¹⁷Hi ruangah hin kan lungthin a zaw i Hi vialte ruangah hin kan mit kha a mui:

¹⁸Zeicahtiah Zion Tlang cu a òiao i A cungah cenghngia kha an i chawk.

¹⁹Maw BAWIPA, nangmah cu zungzal in bawi na si ko, Na bawi òhutdan cu chan khat hnu chan khat a hmun.

²⁰Na kan hlawt rumro a si lo i tah cawk loin kan cungah na thin a hun a si lo ahcun, Maw BAWIPA, nangmah leiah kan hruai òhan ko, hlan lio kan sunparnak kha kan pe òhan ko.