Read Hakha Chin EZEKIEL 15 Bible Online

EZEKIEL 15 - Hakha Chin bible

EZEKIEL 15

¹Mah hihi BAWIPA bia ka sinah a phanmi a si:

²Mipa zeitindah mitsur ruang hi thingkung dang nakin a òhat deuh hlei? Zeitindah tupi chung i thingkung nge hna nakkhin a òhat hlei?

³Thil santlaimi pakhat tal ser khawhnak ding thing a si maw? Mi nih tung pakhatkhat ah an ser kho in a cungah thil an bat kho maw?

⁴Mei chungah tih a si i a dong pahnih hna cu mei nih a kangh hna i a laifang cu meihol bantukin a um ahcun zeital ah a òhahnem hnga maw?

⁵Tlamtling tein a um lio hmanh ah zeihmanh òhathnemnak a ngei lo, Mei nih a kangh i a nah dih hnu chinchin ahcun zeitluk in dah a òhathnemnak cu a tlawm chinchin lai!

⁶Cucaah hihi Bawipa PATHIAN bia a si: Tupi chung mitsur ruang cu mei i tih awk thing ca lawngah a òhathnem bantukin Jerusalem khuami hna cu mei ca lawnglawng ah an òhahnem ve.

⁷Annih cu ka hmai ka chiathnawh hna lai, Mei chungin luat hna hmanh seh law mei òhiamòhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah BAWIPA ka si cu nan hngalh lai. Mah hihi Bawipa PATHIAN bia hrimhrim a si, tiah a ti.