Read Hakha Chin EZEKIEL 19 Bible Online

EZEKIEL 19 - Hakha Chin bible

EZEKIEL 19

¹Israel bawi hna cu òah hla lawh hna law hi bangin ti hna:

²Nan nu cu chiandeih hna lakah chiandeih pi a rak si! Chiandeih no hna lakah a bu kha a rak ser i a hrinmi a fa cu an tam.

³A fale lak i pakhat cu a cawm i chiandeih no ah a hung cang. Sa seh kha a hun thiam i mi kha a ei hna.

⁴Cun miphun hna nih khan an auhnawh i an tlung chungah khan an thlak, Cun Izipt ram ah khan sio in an hruai.

⁵A nu nih a umtuning kha ruahchannak a um lo tiah a hmuh tikah a lung a dong, Cucaah a fale lak i a dang pakhat kha a lak i chiandeih tum no ah a ser òhan.

⁶Chiandeih hna lakah khan aa chawk i Chiandeih tum no umtuning bantuk khan a um. Sa seh kha a hun thiam i mi kha a ei hna;

⁷An inn òhaòha kha a hrawh hna i an khua kha a òhio dih hna. Ram le a chung i a ummi thil vialte kha a onh thawng an theih tikah an khuaruah a har dih.

⁸Cu ram velchum i a ummi ram vialte hna nih khan an hawhawthnawh i an dawi ciammam i Sur in an vorh i khor chungah an thlak.

⁹Sio in bawm chungah an hruaih i Babilon siangpahrang sinah an ratpi i thong chungah an thlak. Cucaah Israel ram tlang cungah a aw cu zeitikhmanh ah theih a si ti lo.

¹⁰Nan nu cu ti kam i phunmi mitsur ruang a rak si, Ti tampi a um caah thei tampi a tlai i a hnah cu hring hlerhhlurh in an um.

¹¹A nge hna cu an òhawng i Uktu bawi òhiangòhunh i ser awk hmanh ah an i tlak. A hung sang i a dang cungah khan a hung fong, A san caah khan le a nge an tam caah khan a lang ngaingai.

¹²Sihmanhsehlaw thinhun in sam a si i vawlei ah hlonh a si; Nichuahlei thli nih a chem i a ro dih, A thei kha a choih dih hna, A nge òhawngòhawng kha an ro dih i mei nih a kangh hna.

¹³Atu cu ramlak ah, a ro a carnak hmun ah phun a si òhan,

¹⁴Amah nge chung lila khan mei a chuak i a nge vialte cu a kangh dih hna. Uktu bawi hna ca i òhiangòhunh i ser awkah a òhawngmi nge a ngei ti lo,’ a ti,” tiah a ti. Hihi òah hla cu a si i zapi hmanmi ah a cang lan.