Read Hakha Chin EZEKIEL 2 Bible Online

EZEKIEL 2 - Hakha Chin bible

EZEKIEL 2

¹Cun a ka thawh i, “Mipa,[1] dir tuah, bia kan ruah lai,” tiah a ti.

²Bia a chim lioah cun ka chungah thlarau kha a lut i ka ke in a ka dirter i bia a chimmi cu ka ngaih.

³A ka thawh i, “Mipa, nangmah cu Israel mi hna sinah khan kan thlah lai, annih cu ralthawh hmang miphun, keimah a ka doh tawnmi miphun an si.

⁴An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungòhawng le mi lungkhong mi chan a si.

⁵Cun annih cu na thawh hna i, “Mah hihi Bawipa PATHIAN bia a si,” na ti hna tikah, annih cu mi doh hmang an si caah annih nih cun an ngai duh theng hnga maw, an ngaih duh ah siseh, an ngaih duh lo ah siseh, an lakah profet pakhat an ngeih kha an hngalh lai.

⁶Sihmanhsehlaw mipa, annih cu òih hna hlah, an chimmi bia zong kha òih hlah, nangmah dohtu le miòhalo si ko hna hmanh seh law òih hna hlah, tlangngaikuang cung i a òhumi bantuk si hmanh law, òih hna hlah. Ral thawh hmangmi si ko hna hmanh seh law an chimmi siseh, an muisam siseh, òih awk zeihmanh a um lo.

⁷Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai.

⁸Sihmanhsehlaw mipa, nang tu cu ka bia hi ngai law anmah bantukin ral thawh duhmi si ve hlah. Na kaa kha ang law kan pekmi hi ei tuah,” tiah a ti.

⁹Cun kut pakhat cu keimah leiah a hun i samh kha ka hmuh i cu kut nih cun cazual pakhat aa put. Ka hmaiah cun cazual cu a samh i a kap hnih in aa òial dih, mithi ngaihnak hla le òahnak hla le ngaihchiatnak bia in aa òial dih.