Read Hakha Chin EZEKIEL 21 Bible Online

EZEKIEL 21 - Hakha Chin bible

EZEKIEL 21

¹Mah hihi BAWIPA bia ka sin i a rami cu a si. A ka thawh i,

²“Mipa, i mer law Jerusalem lei kha zoh law a hmunthiang kha chimhnawh hna; Israel ram kha chimhnawh tuah.

³Israel ram cu thawh law, “Hihi BAWIPA bia an si: Nangmah cu kan ralchanh. Ka vainam cu a kawng chung khan ka phawi lai i na chung i a ummi kha a ding he a òhalo he ka sam hna lai.

⁴Na miding hna le na miòhalo hna cu aa tluk tein ka sam hna lai caah Negeb in chaklei ah a ummi paohpaoh cungah ka vainam cu a kawng chungin zuh a si lai.

⁵Mi vialte nih, vainam a phawitu cu BAWIPA ka si kha an hngalh lai i vainam cu a kawng chungah sawh a si òhan ti lai lo.’ tiah chim.

⁶Mipa, an um hngan te ah cun hrum-ai tuah, na lungthin a kuai dih hlan tiangin hrum-ai cuahmah tuah.

⁷Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralòhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa PATHIAN bia hrimhrim a si,” tiah a ti.

⁸Mah hihi ka sinah a rami BAWIPA bia a si: “Mipa, annih cu chim hna, thawh hna law, hihi BAWIPA bia a si, ti hna: Vainam, vainam cu tat a si i tleu zuar in tuah a si.

¹⁰Mi thahnak ding caah, thah nolhnak ding caah nimtlau bantuk tleu in tat a si. Aa! ka fapa, tanbo cu thing in sermi siasal hna dennak caah ser a si!

¹¹Tat awkah nam cu pek a si cang, kut in tlaih awkah timh a si cang. Vainam cu tat a si cang, a tleu cang, Mi thattu kut chung i chiah awkah khan timh a si cang.

¹²“Atu ah mipa, au law awn tuah, zeicahtiah hi thil vialte cu ka mi hna cungah a tla, vainam in thah awkah chanhmi hna Israel bawile hna cungah khan a tla i ka mi hna he an thi òi.

¹³Cucaah lungfak in nan òang i cum tuah u, zeicahtiah cucu hneksaknak men a si lo, a ngaingai ti ahcun cu thingtan cu zeirello awk thingtan si lo sual seh law tah zeitindah nan tuah hnga? Hihi Bawipa PATHIAN bia hrimhrim a si, tiah a ti.

¹⁴Sihmanhsehlaw mipa, nang cu bia chim law na kut kha beng hna; Vainam kha voi hnih voi thum in lek; Cu nam cu mi thahnak nam a si, an velchum in aa mer lengmangmi mi thahnak nam nganpi a si.

¹⁵An lungre a theih nakhnga le mi tampi an rilh i an tluk nakhnga, Nimtlau bantukin a tleu i mi thahnak ding caah phawimi nam cu an kutka ah ka chiah dih hna.

¹⁶Tat si law orhlei ah i mer, phawi si law kehlei ah i mer, Na par nih a sawhnak lei paoh ah i mer tuah.

¹⁷Keimah zong nih ka kut ka bengh ve lai i ka thinhunnak kha ka òhumh lai, tiah BAWIPA nih ka chim,” a ti.

¹⁸Mah hihi ka sin i a rami BAWIPA bia a si: “Mipa, Babilon siangpahrang vainam a ratnak ding lam pahnih cu rin tuah, an pahnih khan ram pakhat in thawk hna. Cun hmelchunhnak tung pakhat in ser law lam an i òhennak ah khan chia hna.

²⁰Cun vainam cu Ammon mi khua Rabbah i a ratnak ding lam kha rinpiak law cuka cun Judah ram ah a rung lai i Jerusalem khua a laifang ah cun a lut lai.

²¹Zeicahtiah Babilon siangpahrang cu lam an i òhennak, lam òeka ah khan li kha tin a hmang tawn. Camcawhnak thal kha a zoh hna i chungkhar siasal kha an ruahnak a hal hna, sa hnit kha a zoh hna.

²²Camcawhnak thal ‘Jerusalem’ ti i òialmi kha a orhlei kamah a tla: cucaah cuka ah cun au i raldohnak hawhawt in hawhawt i kutka chimhnak dennak kha ser i raltuknak chuntlung kha ser i ralvennak buk kha sak awk a si.

²³Hmailei thil kong chimnak cu an caah ahmaan lo ding kha a lo ko lai, sihmanhsehlaw an òhat lonak kha an ka hngalhter peng ko lai i an ral hna kut chungah an tla ko lai.

²⁴Cucaah cun hihi Bawipa PATHIAN bia cu a si: Lenglang piin nan ka dohnak hin thil òhalo nan tuahmi hi nan ka hngalhter peng caah le nan tuahmi vialte ah nan sualnak kha a langh ko caah le nanmah le nanmah kha ka lung chungah nan i paih lengmang caah, hramhram in nan ral hna kut chungah nan tla lai.

²⁵“Miòhalopa, mithianglopa, Israel mi uktu bawipa, nangmah dohnak ah dantatnak ni cu a ra cang.

²⁶Mah hihi Bawipa PATHIAN bia cu a si: Na sumthawng kha i phoih, na bawiluchin kha chia. Zeizong vialte aa thleng dih cang; nautatmi kha uknak nawl pe hna, uktu kha òhum hna.

²⁷Rawhralnak, rawhralnak! Asi, khuapi cu rawhralnak chungah ka phakter lai. Asinain khuapi dantattu dingah ka thimmi a phak hlan cu hi rawhnak hi a tlung lai lo. Amah sinah cun khuapi kha ka pek lai.

²⁸“Mipa, Israel mi a serhsattu Ammon mi hna kha chim hna. Hihi Bawipa PATHIAN bia a si: Mi thahnak ding ca i zuhmi, thil hrawhnak ding ca i tatmi nimtlau bantukin a lek in aa lekmi vainam kha tat a si cang.

²⁹Nannih nih nan hmuhmi langhnak cu ahmaan lomi an si. Hmailei thil kong nan chim chungmi cu lih an si. Nannih cu miòhalo, misual nan si i nan dantatnak ni cu a phan dengmang. Vainam cu nan hngawng cungah a tla lai.

³⁰“Vainam cu a kawng chungah sawh òhan u. Nannih cu ser nan sinak hmun ah khan bia kan ceih hna lai. Hrin nan sinak ram ah khan kan ceih hna lai.

³¹A hliau in aa hliaumi mei bantukin nan cungah ka thinhunnak kha ka langhter tikah ka thinhunnak kha nan hngalh lai. Cun nannih cu thil hrawh thiamnak leiah a thiam ngaingaimi mipuar hna kut chungah kan chanh hna lai.

³²Mei in hrawh nan si lai. Nanmah ramchung ah khan nan thi cu thlet a si lai i ahohmanh nih an in hngal ti hna lai lo.” Hihi BAWIPA bia a si.