Read Hakha Chin EZEKIEL 31 Bible Online

EZEKIEL 31 - Hakha Chin bible

EZEKIEL 31

¹Kum hleikhat kum, thla thum thla, ni khat ni ah, hi bia hi BAWIPA nih a ka chimh:

²A ka thawh i, “Mipa, hi bia hi Faro le a mi vialte kha chim hna, amah cu thawh law, Na lianhngannak ah hin zei he dah kan tahchunh lai?

³Assiria khi zohhmanh, Lebanon tlang i sidar thing a rak si khah. Aa dawhmi a nge nih khan tupi chung thing kha a lonh hna i An cungah khan i hlorh vengvung in a um.

⁴Cerh nih an cawm i vawlei tang ti nih an santer, A velchum vawlei kha tiva nih an hnawnter i Ram chung i thingkung dang vialte hna tiang khan tiva tete cu an luang.

⁵A nge cu an tam i a òe cu an sau; Zeicahtiah ti tampi nih a phak caah a si.

⁶A nge ah khan van i a zuangmi va phun kip nih bu an ser i A nge tangah khan saram phun kip nih an fale kha an hrin hna i A thladem ah khan miphun ngan vialte nih an inn kha an sak hna.

⁷Thingkung ngan, thingkung dawh a si taktak ko, Zeicahtiah a hram kha duhdim tein ti an hmu.

⁸Pathian dum chung sidar thingkung cu zeihmanh nih an lonh kho lo, Farkung zeihmanh nih a nge kha an tluk kho lo i Saipres thing zeihmanh nih cu bantuk nge cu an ngei lo; Pathian dum chung i a ummi thing zeihmanh nih aa dawhnak kha an tluk kho lo.

⁹BAWIPA nih dawhnak kha ka pek i Pathian dum Eden dum chung i a ummi thing vialte nih an in hngar dih,” tiah chim, a ka ti.

¹⁰Cucaah BAWIPA bia cu hihi a si: Amah cu cu tluk sang in a òhan i thingkung dang hna cungah aa fon i a òhan pah in aa porhlawtnak kha a san chin lengmang caah,

¹¹amah a tawngtu ding miphun hna bawi sinah cun ka pek cang; a òhat lonak nih a phut rup khan amah cungah cun a tuah lai.

¹²Thlachiat a ruat lo bikmi miphun, miphun dang nih khan an hau cang i an hlonh cang. Tlang cung kip le hor chung kip ah a nge sau pipi cu an ril liangluang ko hna i ram chung tiva vialte hna kamah khan a nge hna cu kiak reprup in an um ko. A thladem toi khan vawlei cung miphun vialte hna cu an chuak i annih nih amah cu an kaltak.

¹³A tlumi a luang cungah cun van i a zuangmi va vialte kha an i fu i a nge pawngah cun ram sa vialte kha an dir.

¹⁴Cucaah ti òha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a òhawng bikbik hna zong, ti òha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

¹⁵Mah hihi Bawipa PATHIAN bia an si: Sheol i a vung kal tikah khan ti thuk cu a cungah khan kutka bangin ka khar, a tiva cu ka kham hna i ti tampi cu an car dih. Lebanon nih khan a òah i ram chung thing vialte hna kha an uai dih.

¹⁶Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a òha bikbik hna le ti nih òha tein a cawmmi thingkung hna nih hnangamnak an i laknak hmun a si.

¹⁷Annih zong, amah bantukin Sheol ah cun an vung kal ve, vainam in thahmi hna sinah cun an vung kal; cun a thladem tangah a rak um tawnmi hna kha miphun kip sinah òhek an si.

¹⁸Eden thingkung lakah khan a zei kha dah sunparnak le lianhngannak ah nangmah bantuk a rak si hna? Ahohmanh an si lo, asinain Eden thingkung hna sinah khan tanglei vawlei ah cun kalpi na si ve ko lai; vainam in thahmi hna sinah khan na ril ve ko lai i thazang a ngei lomi mithi hna bu chungah khan na um ve ko lai. Hi nih hin a sawhmi a sullam cu Faro le a minung vialte kha an si. Mah hihi Bawipa PATHIAN bia hrimhrim a si.