Read Hakha Chin EZEKIEL 33 Bible Online

EZEKIEL 33 - Hakha Chin bible

EZEKIEL 33

¹Mah hihi BAWIPA nih ka sinah a chimmi bia an si. A ka thawh i,

²“Mipa, na mi cu chim hna law, hitihin ti hna: Ram pakhatkhat doh awkah ralkapbu cu ka kalter hna tikah, cu ram mi nih cun anmah lak i pakhatkhat cu ralvengtu ah an i thim hna.

³Cu pa nih cun ral kha an rat a hmuh i ralrin peknak caah a muko kha a tum i

⁴sihmanhsehlaw pakhatkhat nih cu cu zei ah a rel lo i ral nih an phanh ahcun, amah cung i a tlungmi kongah amah cu mawhchiat awk a si ko lai.

⁵Amah mawh a si ko, zeicahtiah ralrin peknak thawng kha a theih tikah zeihmanh ah a rel lo; rak rel seh law cu a luat ko hnga.

⁶Sihmanhsehlaw ralvengtu nih ral an rat a hmu nain a muko kha tum lo in zapi kha ralrinnak a pek hna lo ahcun, thahmi paoh kha an sualnak pi he thah chih an si ko lai; sihmanhsehlaw kha hna an thih ruangah khan ralvengtu kha mawhchiat a si lai, a ti.

⁷Mipa, nangmah cu Israel mi hna caah ralvengtu ah kan ser. Ka sinin bia kha na lak hna lai i annih sinah ralrinnak kha na pek hna lai.

⁸Mi pakhatkhat cu a òhat lo ruangah a cungah thihnak biakhiahnak ka tlunter ko lai; nangmah nih amah kha a ziaza òhinh awkah ralrinnak na pek lo zongah a sualnak cu amah ta a si ko i a òhat lonak ruangah a thi ko lai, asinain a thihnak caah cun kan mawhchiat lai.

⁹Sihmanhsehlaw a ziaza òhinh awkah ralrinnak na pe nain a òhinh lo ahcun, a òhat lonak ruangah a thi lai, sihmanhsehlaw nang cu na luat lai.

¹⁰Mipa, Israel mi cu chim hna law, nannih nih, ‘Kannih cu kan sualnak ruang le kan nawl buarnak ruangah khan kan phorh a rit ko; cu ruangah cun kan tlum kan ral thluahmah ko, nunnak caah hin ruahchannak zeihmanh kan ngei lo,’ tiah nan phunzai lengmang, ti hna.

¹¹Cucaah annih cu, ‘Ka nun bangin ka chim, miòhalo mi an thih cu ka duhmi a si lo. Miòhalo mi nih an ziaza kha an òhinh i an nun kha ka duh deuh. Nan ziaza òhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

¹²Mipa, na mi cu chim hna law, hi bangin ti hna: Miding mi cu a palh tikah a dinnak nih khan a khamh lai lo, miòhalo mi nih a ziaza kha a òhinh ahcun a òhat lonak nih khan sual a phaw lai lo. Miding mi cu a sual tikah a dinnak vialte nih a nunnak kha an khamh kho lo.

¹³Miding mi cu na nunnak khamh a si lai, ka ti tikah ka din ruangah a si, tiin aa ruah sual ko hnga i palhnak kha a tuah ko hnga, cu tikah cun dinnak a rak tuahmi vialte kha pakhat hmanh hngalhpiak a si lai lo; òhat lonak a tuahmi ruangah cun a thi ko lai.

¹⁴Cun miòhalo mi cu a cungah thihnak bia ka hei ceih ko hnga, sihmanhsehlaw anih nih a ziaza kha aa remh hnga i a ding le a òha kha a tuah ko hnga:

¹⁵khi tikah biakamnak a rak tuahmi kha a pek òhan hna i a firmi kha a cham òhan hna i palhnak kha a tuah ti lo i nunnak lam phunglam kha a zulh ahcun, a nung lai, a thi lai lo.

¹⁶Sualnak a tuahmi kha pakhat hmanh amah dawnkhantu ah hngalhpiak a si lai lo i dinnak le òhatnak kha a tuah caah a nung lai.

¹⁷Na mi nih an i thawh i, ‘Bawipa cu zulhmi ningcang zeihmanh ngei lo in rian a òuan,’ an ti; sihmanhsehlaw anmah thil ti ning kha pei ningcang ngei lo cu a si cu.

¹⁸Miding mi nih a dinnak kha a hlawt i palhnak kha a tuah ahcun, cu ruangah cun a thi ko lai;

¹⁹cun miòhalo mi nih a òhat lonak kha a hlawt i a ding le a òha kha a tuah ahcun a nung ko lai.

²⁰Cucaah maw Israel mi hna, zeitindah nan tuahmi ning tein bia kan ceih hna tikah Bawipa cu ningcang loin rian a òuan nan ka ti khawh?’ tiah a ti.

²¹Ral i kan taan kum hleihnih kum, thla hra thla, ni nga ni ah, Jerusalem khua in a rami ralzam pakhat ka sinah a ra i Jerusalem khua cu a rawk cang, tiah a ka chimh.

²²An rat lai zan ah cun BAWIPA kut cu ka cungah a tlung i an ka phak tikah zinglei ah cun BAWIPA nih holh khawhnak kha a ka pek òhan. Ka holh kho òhan cang i holh loin ka um ti lo.

²³BAWIPA nih a ka chimhmi bia cu hihi an si: A ka thawh i, “Mipa, Israel ram a rawk cangmi i a ummi hna nih, ‘Abraham nih ram hi a rak co lioah khan pakhat lawng a rak si, atu cu mi tampi kan si cang i ram cu ro caah pek kan si cang,’ an ti.

²⁵Cucaah annih cu chim hna law, hihi Bawipa PATHIAN bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

²⁶Vainam kha nan i bochan, thil fihnung kha nan tuah hna, nan nupile kha nan i thurhhnawmhpiak i ram kha co nan i ruah òhiamòhiam!

²⁷Mah hihi Bawipa PATHIAN bia an si, tiah chim hna: Ka nun bangin ka chim, annih cu a rawkmi thil lakah khan vainam in an thi lai; ramlak ah saram hna rawl ah ka ser hna lai, ralhau chung le lungkua chungah rai in an thi lai.

²⁸Ram cu a òiaomi ram ah ka ser lai; aa porhlawtmi a thazang cu pakpalawng ah a cang lai i Israel tlang hna cu ke pal lomi thetse ram ah an cang lai.

²⁹Annih nih fihnung an tuahmi vialte ruangah ram cu òiaotakmi ram i ka ser tikah, keimah cu BAWIPA ka si kha an hngalh lai.

³⁰“Mipa, na mi nih an bubu in an i pum i na kong kha vampang toi le innka ah an i ceih i pakhat le pakhat cu, ‘BAWIPA sinin zei bia dah a um hnga va zoh tuah u sih,’ an i ti.

³¹Cucaah ka mi hna cu, mi nih an tuah tawn cio bantukin, an ra hungmang lai i na hmaiah an òhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia òha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

³²Annih caah cun aw òha ngai, hla dawh sak a thiam ngaimi, tingtang tum a thiammi ceo na si ko; na chimmi cu an ngaih lai, sihmanhsehlaw an tuah hrimhrim lai lo.

³³Sihmanhsehlaw a caan a phak tikah cun§cu caan cu a phan te òheo lai va si kaw!§an lakah profet pakhat a rak um kha an vun hngalh te lai,” tiah a ti.