Read Hakha Chin EZEKIEL 36 Bible Online

EZEKIEL 36 - Hakha Chin bible

EZEKIEL 36

¹Cun mipa, Israel tlang hna cu chawn hna law, Israel tlang hna, BAWIPA bia cu thei tuah u, ti hna.

²Bawipa PATHIAN bia cu hihi a si: Ral nih an i thawh i, Vei mu, zungzal in a hmunmi tlang hna cu, kanmah ta an si cang, an ti.

³Cucaah chim law, hihi Bawipa PATHIAN bia an si, tiah ti: Nannih Israel tlang hna, miphun dang hna nih an in tlaih hna i an in uk hna tikah nan velchum in mi nih an in rial hna i an in lamhchih hna; nan min cu bia an chimnak kip ah khan an cem chih lengmang.

⁴Cucaah fing hna le tlang hna le tiva hna le nelrawn hna le nan velchum i a ummi miphun dang hna nih an rok an ramh i an serhsatmi òiaotakmi siangpahrang inn hna le zamtakmi khua hna sinah Bawipa PATHIAN nih a chim tikah a bia kha ngai tuah u.

⁵Hihi Bawipa PATHIAN bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

⁶Cucaah Israel vawlei le fing le tlang hna le tiva hna le nelrawn hna cu thawh hna law, hihi Bawipa PATHIAN bia cu an si, tiah chim hna: Nannih nih miphun dang vialte nihsawhnak kha nan in awk a rak herh caah ka thinhun le ka nahchuahnak in ka lungthin kha ka chim.

⁷Cucaah nan velchum i a ummi miphun hna cu annih nih an in nihsawh hna ruangah khan dantat an si lai, tiah kut hler in chiat ka ser cang.

⁸Sihmanhsehlaw nannih Israel tlang hna tu nih cun, ka mi hna kha inn i an tlun lai caan a nai cang caah nge thar nan la lai i ka mi Israel mi hna caah cun thei nan tlai lai.

⁹Zohhmanh u, atu cu nanmah caah ka si cang, nanmah leiah khan kaa mer lai i nannih cu thlawh nan si lai i thlaici tuh nan si lai. Nan cungah minung tampi, Israel chungkhar hna kha an ningpi in ka phun hna lai.

¹⁰Khuapi cu mi nih an umhnawh òhan hna lai i siangpahrang inn cu an remh hna lai.

¹¹Nan cungah minung tampi le saòil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun BAWIPA ka si kha nan hngalh lai.

¹²Ka mi Israel mi hna cu nan lam kha ka lamhter òhan hna lai. Nan chungah khua an sa lai i nannih cu an covo nan si lai; an fale kha nan that ti hna lai lo, tiah a ti.

¹³Mah hihi Bawipa PATHIAN bia an si: Mi nih an i thawh i, nang cu a minung a sehmi ram le a miphun hna an fale a thahpiaktu hna ram na si, an in ti.

¹⁴Sihmanhsehlaw mi kha na seh ti hna lai lo i na miphun hna zong kha an fale na thahpiak ti hna lai lo, tiah Bawipa PATHIAN nih a ti.

¹⁵Miphun dang nih an in nihsawhnak kha kan theihter ti lai lo i miphun dang hna nih an in serhsatnak zong kha na ing ti lai lo. Hihi Bawipa PATHIAN bia hrimhrim a si.

¹⁶Hihi BAWIPA nih ka sinah a chimmi bia an si: “Mipa, Israel mi cu anmahle an vawleite i an um ah khan an ziaza le an thil tuahnak in an vawlei cu an thurhhnawmhter; an ziaza cu a thurhnawm i ka mithmuh ah fihnung a si.

¹⁸Ram chung i thisen an chuahmi le ram cu an thurhhnawmhnak siasal hna ruangah khan annih cu ka thinhunnak ka bunghhnawh hna.

¹⁹Miphun kip sinah ka òhek hna i ram dangdang ah an i òhen dih; an ziaza le an tuahsernak nih a hlawhmi dantatnak kha an cungah ka tlunter.

²⁰An phaknak kip miphun hna sinah khan ka min thiang kha an thurhhnawmh. Mi nih an i thawh i, Hi hna hi BAWIPA mi an si, a ram in a rami an si, an ti hna.

²¹Sihmanhsehlaw Israel mi nih cun an phaknak miphun kip sinah khan ka min kha thurhhnawmhter hmanh hna seh law ka min thiang ruangah annih cu ka zuah hna.

²²“Cucaah Israel mi cu, hihi Bawipa PATHIAN bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

²³Cu miphun hna sin i nan thurhhnawmhter cangmi a liannganmi ka min cu ka thianter lai. Annih nih nannih chungin ka thiannak ka langhter kha an hmuh tikah, miphun hna nih cun BAWIPA ka si kha an hngalh lai, tiah Bawipa PATHIAN nih a ti.

²⁴Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

²⁵Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

²⁶Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

²⁷Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

²⁸Nan pupa ka pekmi hna ram chungah nan um lai i nannih cu ka mi ah nan i cang lai i kei cu nan Pathian ah ka cang lai.

²⁹An thurhhnawmhtertu hna thil vialte chung khan kan khamh hna lai; fangvoi cu ka kawh lai i tampi ka vuiter lai; nan cungah mangòam ka tlunter ti lai lo.

³⁰Thingkung kha thei tampi ka tlaiter hna lai i vawlei kha rawl tampi ka vuiter lai i mangòam nih ningzahnak a chuahtermi kha miphun hna lakah nan ing ti lai lo.

³¹Nan ziaza òhalo le nan tuahsernak a òha lomi kha nan i hngal òhan lai i nan òhat lonak le fihnung nan sinak ruangah khan nanmah le nanmah nan i fih lai.

³²Hi ti ka tuah hi nanmah ruangah a si lo ti kha fiang tein hngal u, tiah Bawipa PATHIAN nih a ti. Cucaah Israel mi hna, nan ziaza ruangah ningzak hmaichia in um tuah u,” a ti.

³³Mah hihi Bawipa PATHIAN bia cu an si: Nannih cu nan òhat lonak vialte in kan thianh hna tikah khua chungah cun mi ka umter òhan hna lai i siangpahrang inn hna cu remh òhan an si lai.

³⁴Atu i òiaotak a simi ram, aa chawkmi paoh hmuh awk i pakpalawng in a um komi ram hi, thlawh an si òhan lai.

³⁵Mi nih an i thawh lai i hi ram òiaotak cangmi ram hi, Eden dum bantuk ah a cang òhan cang an ti lai. Hlan i a rak rawk i an rak bauh i an rak chimhmi khua, atu i òha tein kulh a si òhanmi hna chungah hin, mi khua an sa òhan lai.

³⁶Nan velchum i a tangmi miphun hna nih, hrawhmi khua hna a remh òhan i òiaotakmi ram ah thlaici a cing òhantu cu BAWIPA ka si hi an hngalh lai; BAWIPA nih ka chim i ka tuah lai, tiah a ti.

³⁷Mah hihi Bawipa PATHIAN bia an si: Israel mi cu hihi ka hal u, tiah ka ti rih hna lai: An pa hna cu tuu zat in ka tamter hna lai, laksawng thiang ah pekchanhmi tuu hna bantukin, puai caan i Jerusalem khua tuu hna bantuk ah ka ser hna lai.

³⁸Cucaah a rawk cangmi an khua hna chungah cun minung a runrun in an khat lai i BAWIPA ka si kha an hngalh lai, tiah a ti.