Read Hakha Chin EZEKIEL 38 Bible Online

EZEKIEL 38 - Hakha Chin bible

EZEKIEL 38

¹Mah hihi BAWIPA nih ka sinah a chimmi bia an si.

²A ka thawh i, “Mipa, Magog ram i a ummi Rosh, Meshek le Tubal hna siangpahrang Gog cu hei merhnawh law a cungah hi bantukin bia chim tuah.

³Hihi Bawipa PATHIAN bia an si, tiah chim: Rosh le Meshek le Tubal hna siangpahrang Gog, nangmah cu kan doh. Nangmah cu kan mer lai i na khabe ah sio in kan sio lai.

⁴Nangmah le na ralkapbu pi hna cu kan kalpi hna lai, na rangtum hna le na rangcung ralkap hna, ralthuam tling tein aa thuammi na mi hna, phaw le nam he a ummi ralkapbu nganpi, vainam aa thlir ciomi ralkap hna;

⁵cun anmah he cun Persia le Kush le Put mi hna phaw le luchin a ngei ciomi hna zong.

⁶Gomer le a ralkapbu vialte hna, cun Beth-togarmah le chakleipi i a ummi a ralkapbu vialte hna § hi mibu tampi aa fon òhupmi hna hi nangmah sinah cun ka hruai chih dih hna lai.

⁷I ralring tuah, òha tein i tim tuah, nangmah le nangmah he i fonh awkah aa pummi cu i tim tuah u law ka rian òuan awkah timhcia in um tuah u.

⁸Ni tampi hnuah auh na si te lai; hmailei kum tampi hnuah khin, a rawk i remh òhanmi ram ah cun na lut òhan lai, cu ram cu a mi hna miphun tampi hna lakin kum saupi a òiao cangmi Israel ram tlang cung i pumh òhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

⁹cun nang cu na ra lai i òotho bantukin na ra cutmat lai; cun nangmah le na ralkapbu vialte hna, mi tampi aa fonh òhupmi hna nih cun, ram cu khuadawm nih a khuh bantukin nan khuh lai.

¹⁰Hihi Bawipa PATHIAN bia cu a si: Khi caan ah cun ruahnak pakhat na lu chungah a lut lai i òhat lonak khua na khan lai.

¹¹Naa thawh lai i, ‘Kulhkhar zeihmanh a ngei lomi khuate umnak ram kha ka tuk lai, daite le ahohmanh nih hnahnawh loin a ummi, ralhruang zong zeihmanh a ngei lo i kutka siseh, kutka hrenh siseh, zeihmanh a ngei lomi hna kha ka tuk hna lai,’ na ti lai.

¹²A rak rawkmi khuapi hna chung i a ummi hna kha ka ramh hna lai i an thil kha ka chuh hna lai, tiah naa ruah lai. Annih cu tunaite i miphun hna chungin pumh òhanmi an si i atu an thilri le saòil hna he khan vawlei laifang lam tonnak ah an um.

¹³Sheba mi hna le Dedan mi hna le Tarshish chawdawr hna nih an in thawh lai i, ‘Hi mi hna ramh awk le an thil chuh awkah maw na ralkap hna cu na pumh hna i annih cu na tuk hna? An sui le ngun kha lak i an saòil le thilri kha i kalpi hna maw naa timh?’ an in ti lai.

¹⁴Cucaah mipa, Gog cu thawh law, hihi Bawipa PATHIAN bia an si, tiah chim tuah: Ka mi Israel mi hna cu ahohmanh nih hnahnawh lo tein khua an sak lioah annih doh awkah chaklei deng ram in naa thawh.

¹⁵Miphun tampi hna chungin a òhawng ngaingaimi ralkapbu nganpi kha naa ratpi i rangcung ralkap lawngte an si.

¹⁶Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.

¹⁷Hihi Bawipa PATHIAN bia a si. Hlan lioah ka profet hna kaa in bia ka chim tikah, Israel mi doh awkah ka kalpi lai, ka rak timi cu nangmah hi na si.

¹⁸Gog nih Israel ram cu a hun doh ciammam ni ah cun, ka thinhunnak cu a tlawh in a tlok lai, tiah Bawipa PATHIAN nih a ti.

¹⁹Zeicahtiah ka hamnak hna le ka thinhunnak a linh in a linmi in chiatser in ka chim i cu ni ah cun Israel ram chung dihlak ah lihnin fakpi a um lai.

²⁰Rili chung nga si hna seh, van i a zuangmi va si hna seh, ramlak saram si hna seh, vawlei ah a lawn in a lawnmi saram si hna seh, vawlei cung i a ummi minung vialte si hna seh, ka hmaiah a ther in an ther lai, ka ti. Tlang vialte kha an cim dih lai, lungpang vialte kha an tlu dih lai i ralhau vialte kha an rawk dih lai.

²¹Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa PATHIAN chimmi bia a si.

²²Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

²³Cuticun ka lianhngannak le ka thiannak kha ka langhter lai i miphun tampi nih keimah BAWIPA ka si kha an ka hngalh lai.