Read Hakha Chin EZEKIEL 4 Bible Online

EZEKIEL 4 - Hakha Chin bible

EZEKIEL 4

¹A ka thawh i, “Mipa, tlakrawh pakhat in i lak law na hmaiah khan chia tuah. A cungah cun Jerusalem khua hmanthlak kha suai tuah:

²cun Jerusalem khua cu hreng law ralvennak buk kha sakhnawh law raltuknak chuntlung khan kulh law riahhmun hna kha serhnawh law ralhau vampang chimhnak thingthluan kha a velchum in chiahhnawh tuah.

³Cun thir kheng pakhat in i lak law nangmah le khuapi karlak ah khan thir vampang ah chong tuah. Khuapi lei cu hoih tuah; nangmah cu khuapi a hrengtu cu na si lai i na hrenmi cu khuapi cu a si lai. Mah hihi Israel mi hna caah hmelchunhnak a si lai.

⁴“Cun atu cu na kehlei hrap in it tuah, Israel mi hna òhat lonak cu na cungah ka chiah lai; na kehlei hrap in na ih chung caan kha an òhat lonak cu na in lai.

⁵Ni khat cu an òhat lonak kum khat caah khan tuak in an òhat lonak cu kum za thum le kum sawm kua ing dingin kan khiah; cu can cu Israel mi hna òhat lonak cu na in lai.

⁶Mah hi vialte hi na lim tikah na orhlei hrap in na it òhan lai i Judah òhat lonak cu ni sawm li na in lai; ni khat cu kum khat caah rel a si lai.

⁷Cun hrenmi Jerusalem lei cu na zoh lai i na ban kha na hlimhnawh lai i ka bia kha na chimh lai.

⁸Sifahnak na inmi caan cu na lim hlantiang khattelei hrap in khattelei hrap ah naa mer khawh nakhnga lo, zeitindah hri in kan òem cu va hngal ko.

⁹“Cun changvut le barli, be le ra, fang le fangvoi kha la hna law kheng pakhat chungah cawh dih hna law cu cun na changreu cu ser tuah. Na hrap khat in na ih chung ni za thum le sawm kua kha cu changreu cu na ei lai.

¹⁰Cun na rawl kha a tah tein na tah hna lai, ni khat ah pawng cheu na ei lai i cu cu ni khat caah a si lai.

¹¹Na ti din awk zong a tah tein na tah lai; ni khat ah palang thawl khat in na din lai i cu cu ni khat caah a si lai.

¹²Na changreu cu barli changreu bantukin na rawh lai i na ei lai i a rawhnak thing caah minung ek na hman lai i mi nih an in hmuh khawhnak hmun ah na rawh lai,” tiah a ti.

¹³BAWIPA nih hi ti hin a ti, “Hi thil hna hi Israel mi hna ramdang i ka òhek tik hna ah Phung i khammi rawl an ei a herh te lainak kha hngalhternak a si.”

¹⁴Sihmanhsehlaw kei nih kaa thawh i, “Maw Bawipa PATHIAN, zeitikhmanh ah kaa thurhhnawmh bal lo, amah tein a thimi maw, sa nih a sehmi maw, zeitikhmanh ah ka ei bal lo; sa thurhnawm ka kaa chungah a lut bal lo,” tiah ka ti.

¹⁵Cucaah minung ek can ah khan caw ek cu ka changreu rawhnak caah khan hman a ka sianh.

¹⁶Cun a ka thawh i, “Mipa, Jerusalem khua i nifate an hmuhmi rawl cu ka òhumh hna lai; mi nih rawl an eimi cu thinphang lengmang in a tah tein an tah lai i ti an dinmi cu khuaruahhar lengmang in a tah in an tah òhiamòhiam lai.

¹⁷Pakhat le pakhat an i hmuh tikah an hnabei a dongh tiangin, an rawl le an ti cu a òum lai i an òhat lonak ruangah khan an lo ral dih lai,” a ti.