Read Hakha Chin EZEKIEL 7 Bible Online

EZEKIEL 7 - Hakha Chin bible

EZEKIEL 7

¹BAWIPA bia cu ka sinah a phan i,

²“Mipa, hi bia hi Bawipa PATHIAN nih Israel mi hna sinah a chim duhmi bia cu a si, a ti: A dih cang! ram cung kil li cungah donghnak cu a tlung lio.

³Donghnak cu atu nan cung a phan cang; nan cungah ka thinhunnak cu ka thlah lai. Nan tuahmi thil kha zeicahdah nan tuah tiah kan hal hna lai i fihnung nan tuahmi cu nanmah lu cung lila ah ka tlunter hna lai.

⁴Nannih cu kan zaangfah hna lai lo, kan zuah fawn hna lai lo. Nan tuahmi thil hna le nan lak i a um lengmangmi thil fihnung hna ruangah khan sifahnak kan inter hna lai. Cucaah nannih nih BAWIPA ka si kha nan hngalh lai,” tiah a ti.

⁵Mah hihi Bawipa PATHIAN bia a si: “Zohhmanh a ra cang, rawhralnak cu i thonh lulhmalh in an ra cang; donghnak cu a phan cang, donghnak cu a phan cang.

⁶Ram chung i a ummi hna, nan cungah khuacimuihnak ni a tlung cang; cu caan cu a phan dengmang cang, cu ni cu a nai cang, hnahnawhnak le khuari thawng he a ra lai.

⁸Khulrang tein ka thinhunnak cu a bungh in kan bunghhnawh hna lai. Nan tuahmi nan thil kha zeicahdah nan tuah tiah kan hal hna lai i fihnung nan tuahmi cu nanmah lu cung lila ah ka tlunter hna lai. Nannih cu kan zaangfah hna lai lo, kan zuah fawn hna lai lo.

⁹Nan tuahmi thil hna le nan lak i fihnung a um lengmangmi ruangah khan sifahnak kan inter hna lai. Cucaah nannih nih an tutu hna cu keimah, BAWIPA ka si kha nan hngalh lai.

¹⁰“Zohhmanh, cu ni, rawhralnak ni cu hika a phan cang, an cungah a kek phut cang. Dinlonak kha a kuhkulul in a hung um cang, ruamkainak kha a par in a par,

¹¹zaang-ennak cu dinlonak le òhat lonak chungah khan a òhang. Cu vialte cu anmah sualnak lawngte a si dih, an i tuai an i hmalnak le an i tenghteletnak chungin a chuakmi an si dih.

¹²Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

¹³Zuartu nih khan a cawknak mi siseh, amah siseh, an nun chung paohpaoh ahcun, a zuarmi thil kha a let òhan kho lai lo, zeicahtiah an i cawknak kha hnahnawhnak ruangah khan let òhan khawh a si hlei lai lo. An nun chung paoh cu ahohmanh nih zeihmanh an tuah kho lai lo, òhat lonak tuah a duhmi hmanh nih khan zeihmanh an tuah kho hlei lai lo.

¹⁴Muko cu an tum cang, zeizong vialte timh a si dih cang, sihmanhsehlaw ahohmanh ral dohnak ah an kal lo.

¹⁵“Lengah vainam a um, chunglei ah rai le mangòam an um; ramlak ah khan mi cu vainam in an thi lai i khua chungah mangòam le rai nih a thah hna lai.

¹⁶A luatmi an um i tlang ah an zam ahcun, khika ah a òap lengmangmi òhuro bantukin ka thah hna lai,

¹⁷an kut cu a thlep lai i an khuk ah an zun a luang lai.

¹⁸Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

¹⁹An ngun cu lam ah khan an hlonh hna lai i an sui cu hmunthur bantukin an hlonh hna lai; BAWIPA thinhun ni ah cun an sui le an ngun nih khan a khamh kho hna lai lo. An rawlòam kha a dam lai lo i an paw zong a khim lai lo; zeicahtiah an tluknak a chuahtertu cu an òhat lonak kha a si lai.

²⁰An hlawn òhaòha cu porhlawtnak ah an hman i cu an hlawn cun fihnungmi siasal kha an ser hna. Cucaah an hlawn cu hmunthur bantuk ah ka ser lai i

²¹ramdangmi sinah ramhmi thil le vawlei cung i miòhalo bik hna sinah hranchaw ah ka pek hna lai i annih nih an thurhhnawmh hna lai.

²²Annih cu ka hmai kha ka merkanh hna lai i a sunglawimi ka ram cu an thurhhnawmh lai; mifir kha an ra lut lai i an thurter lai.

²³“Nan kut kha i tum u, zeicahtiah ram cu thisen chuahnak in a khat i khuapi cu zaang-ennak in a khat.

²⁴Miphun hna lak i a nauta bik kha an inn cu ka coter hna lai; a òhawngmi an i zumhnak kha ka zorter lai i an hmunthiang hna cu thurhhnawmh an si lai.

²⁵Annih cungah therphannak a tlung lai, daihnak kha an kawl lai, sihmanhsehlaw an hmu lai lo.

²⁶Thlichia kha pakhat hnu pakhat an i zul lai i thawngchia kha pakhat hnu pakhat an i zul ve lai. Langhnak kawl ah mi nih profet cu an fuh hna lai, sihmanhsehlaw tlangbawi nih lam òhit an thiam ti lai lo i upa nih fimchimh an thiam ti lai lo.

²⁷Siangpahrang cu a òap lai, bawi cu vansangau in an um lai i zapi cu òihnak in an kut a ther lai. Hmuh awkah an i tlakning in an cungah ka tuah lai i zeicahdah thil an tuahmi kha an tuah tiah ka hal hna lai; cun annih nih keimah cu BAWIPA ka si kha an ka hngalh lai,” tiah a ti.