Read Hakha Chin DANIEL 11 Bible Online

DANIEL 11 - Hakha Chin bible

DANIEL 11

¹Hi bawi hna pahnih hna dohnak ah, Israel mi zohkhenhtu vancungmi Mikhael dah ti lo cu, ahohmanh a ka bawmtu an um lo.

²Cun atu i kan chimh dingmi bia hi biatak a si,” a ti. Persia ram ah hin siangpahrang a dang pathum an hung chuak rih lai i a palinak nih cun a dang vialte kha rumnak ah tam piin a thlau hna lai; cun a òhawnnak kha a chawva in a vun karhter tikah Grik pennak doh awkah vawlei pumpi kha a òhanghter lai.

³Khi tikah ralkap a simi siangpahrang kha a chuak lai. Pennak kaupi kha a uk lai i a duhmi thil paoh kha a tuah ko lai.

⁴Sihmanhsehlaw a si lingte ah khin a pennak cu a kuai lai i chaklei, thlanglei, nichuah, nitlak tiin aa cheu lai. A pennak cu a tefa hna sinah khan a lan lai lo, midang tu nih an co lai i sihmanhsehlaw amah tlukin an òhawng lai lo.

⁵Cun thlanglei siangpahrang, Izipt siangpahrang cu a hung òhawng lai, sihmanhsehlaw a ralbawi hna lak i pakhat kha a òhawng deuh chinchin lai i ram kau deuh chinchin kha a uk lai.

⁶Cun kum tam nawn hnuah khin Izipt siangpahrang nih a fanu cu Siria siangpahrang kha a vatter lai i òanòinak an tuah lai. Sihmanhsehlaw cu òanòinak an tuahmi cu sau a hmun lai lo i amah cu le a sin i a kalmi a sinum hna le a fale a va cu an dihlak in thah an si lai.

⁷Cun a rualchan pakhat nih khan Siria siangpahrang ralkap cu a tuk hna lai i ralhau chungah khan a luhhnawh hna lai i a tei hna lai.

⁸An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

⁹Cun daihnak caan kum tlawmpal hnuah khin Siria siangpahrang nih Izipt ram cu a tuk lai, sihmanhsehlaw an rak khirh khawh lai.

¹⁰A fapale nih khan Siria siangpahrang cu ralkapbu nganpi kan pumh hna lai, tiah an hnek lai. An lak i pakhat cu dawnh khawh lomi tilian bantukin a lan thluahmah ko lai i an ral hna ralhruang a phanh tiang a nam chih lengmang ko hna lai.

¹¹Thlanglei siangpahrang cu a thin a phawh lai i chaklei siangpahrang he i tuk awkah a kal lai, chaklei siangpahrang nih ralkapbu nganpi a pumhmi kha a kut chungah chanh a si lai.

¹²Cuticun ral a teinak cu aa porhlaw lai i ralkap tampi a thahmi hna ruangah cun tluang a khawng lai, sihmanhsehlaw teitu a si zungzal ve lai lo.

¹³Khi tikah chaklei siangpahrang nih khan hmasa nak hmanh in a ngan deuhmi ralkapbu he cun a ra òhan lai.

¹⁴Hi caan ah hin mi tampi nih thlanglei siangpahrang kha an doh lai, cun Daniel, na miphun chung mipuar hna zong nih an hmuhmi langhnak ruangah an doh ve lai, sihmanhsehlaw an sung lai.

¹⁵Khi tikah chaklei siangpahrang kha a ra lai i raltuknak chuntlung kha a ser hna lai i kulhmi khua pakhat kha a lak lai; thlanglei ralkap hna nih khan an celh hna lai lo; an ralkap òhawng bikbik hna hmanh nih khan an um hmun kha an i tlaih kho lai lo.

¹⁶Cucaah a rung hranhtu ral nih khan a duhduh in a òuan ko lai i ahohmanh nih an dawn kho lai lo. Ram vialte lak i ram dawh bik chungah cun aa hmung lai i cu ram cu a ning piin a kut toiah a um lai.

¹⁷Thlanglei siangpahrang pennak vialte cu a kut tang i chiah awkah aa tim lai, cun a ral kha tei awkah a fanu pakhat kha rak òhit awkah a hei thlahhnawh lai, sihmanhsehlaw cu ngaknu cu sau a um lai lo i aa tinhmi zong kha a tlinh kho fawn lai lo.

¹⁸Khi hnuah rili kamlei le tikulh hnalei ah khan aa mer lai i mi tampi cu sal ah a tlaih hna lai, sihmanhsehlaw ramdang ralbawi pakhat nih òhat lonak a tuahmi cu a ngolter lai i òhat lonak a tuahmi kha amah cung lila ah a kirter lai.

¹⁹Amah ralhau chung lila ah khan a kir òhan lai i khika ah sunghnak kha a tong lai i cucu a donghnak a si lai.

²⁰Amah cu pakhat nih a hun chaan lai i cu pa nih cun hramhram in siangpahrang ngunkhuai cu kholh awkah bawi pakhat a thlah lai, sihmanhsehlaw hi siangpahrang zong cu tlawmpal ah khin a donghnak a phan lai i asinain mah cucu lenglang in siseh, raltuknak hmun ah siseh, a si lai lo.

²¹Siria siangpahrang a hun chaangtu cu miòhalo a si lai, amah cu siangpahrang si awkah aa tlak lomi a si lai i asinain daihnak caan lioah pennak chungah cun a holh nalnak thawngin aa sawh lai i hlennak in uknak cu a lak lai.

²²Amah a dohtu ralkapbu kha a tei thluahmah hna lai i Pathian tlangbawi hmanh kha a hloh lai.

²³Hrokhrawl in ramdang he òanòinak kha a ser duahmah lai i amah a zultu mi kha tlawmte hna hmanh seh law amah cu nawlngeihnak kha a hun ngei lai i daihnak caan lioah khan fek òhup in aa hmung lai.

²⁴Ram chung i a rum bikbik hmun kha a tei hna lai i a pa le a pu hna nih an rak tuah khawh lomi kha a tuah lai, a zultu hna kha hranchaw le thilri kha a phawt hna lai. Ralhruang kha nam awkah khua a khan lai sihmanhsehlaw caan tawite ca lawngah a si lai.

²⁵A òhawnnak dihlak le a ralòhatnak dihlak in aa thawh lai i thlanglei siangpahrang doh awkah khan ralkapbu nganpi a hruai hna lai, sihmanhsehlaw thlanglei siangpahrang nih khan ralkap tampi le bu nganpi he a rak doh ve lai; asinain thlanglei siangpahrang cu a hmun lai lo zeicahtiah mirawitu hna nih khan khuakhannak an tuah lai.

²⁶Amah he rawl a ei òimi kha amah òhat lonak tuahtu an si lai, a ralkapbu cu hloh an si lai i raltuknak hmun ah mi tampi an thi lai.

²⁷Cu siangpahrang pahnih hna cu pakhat cung i òhat lonak tuah kha an i tim peng lai i cabuai pakhat ah an òhu ko lai nain pakhat le pakhat cu lih in bia an i hleng lai i caan rem a phak rih lo caah aho an ca hmanh ah òhathnemnak zeihmanh a um lai lo.

²⁸Siria siangpahrang cu hranchaw a lakmi vialte he khan inn lei i kir awkah aa thawh lai i Pathian mi hna an biaknak phung kha hrawh hrimhrim aa tinh lai. A tuah duhmi paoh kha a tuah ko lai i a ram ah a kir lai.

²⁹Hnu deuh ah thlanglei ram kha voi khat cu a vung hranh òhan lai, sihmanhsehlaw hmasa bantuk khan cun a hlawhtling ti lai lo.

³⁰Rom mi nih khan tilawng in an rathnawh lai i aa chol lai. Aa mer lai i a thinlinhnak kha biakamnak thiang cungah a bungh lai; a kir leiah an biaknak a rak hlawtu hna lungthin cheuhning khan a òuan lai.

³¹Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Òhiotu Fihnung” kha an chiah lai.

³²Biakamnak a rak hlawtmi hna cu lih in a lem khawh hna lai i annih cu amah leiah khan a mer khawh hna lai, sihmanhsehlaw an Pathian leiah zumhawktlak tein a ummi hna cu fek tein an dir lai i annih nih cun an rak doh ve lai.

³³Hi miphun a hruaitu hna mifim hna nih khan zapi cu lam an hruai hna lai, sihmanhsehlaw caan tlawmte chung cu mei le vainam in hremmi ah an tla lai i saltannak le ramhnak kha an in lai.

³⁴Cu bantukin an hrem hna lioah, anmah a fonhtu a tampi hna kha mah zawn lawng ruatmi an si nain, bawmhnak tlawmte cu an hmuh ko lai.

³⁵Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan òhiamòhiam ve lai.

³⁶Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha òhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

³⁷A pupa hna nih an rak biakmi pathian le nu hna nih an dawtmi pathian kha zeihmanh ah a rel hna lai lo; pathian zei bantuk hmanh kha zei ah a rel hna lai lo, amah tu kha an cungah aa hlorh lai.

³⁸Cu hna nakcun ralhau pathian, a pupa hna nih an rak hngalh bal lomi kha sui le ngun le lungvar le a man a sungmi laksawng in a upat deuh hna lai.

³⁹A ralhruang a fek bikbik hna cu ramdang pathian a biami kha a venter hna lai. Amah cu uktu ah a rak cohlangmi hna kha rian nganngan a pek hna lai i laksawng ah vawlei kha a òhenh hna lai.

⁴⁰Cun Siria siangpahrang cu a caan a dih dengmang tikah Izipt siangpahrang nih khan a tuk lai i a òhawnnak vialte khan a rak doh ve lai § a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

⁴¹Ram vialte lak i ram dawh cem zong cu a luhhnawh lai i minung thong tampi a thah hna lai. Edom ram le Moab ram le Ammon ram a tangmi tu kha cu an luat lai.

⁴²Ram khat hnu ram khat a tuk duahmah hna lai i Izipt ram hmanh a luat hlei lai lo.

⁴³Izipt nih aa thuhmi a sui vialte hna le a ngun vialte hna le a ro vialte hna cu aa kalpi hna lai i Libia ram le Ethiopia ram zong kha a tei hna lai.

⁴⁴Khi tikah nichuahlei le chaklei in thawngpang a hung thangmi nih amah cu an lauter lai i mi tampi kha thah awk le hloh awkah thinhung ngaiin a chuak lai.

⁴⁵A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.