Read Hakha Chin DANIEL 12 Bible Online

DANIEL 12 - Hakha Chin bible

DANIEL 12

¹Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak òhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

²Leidip chungah a itmi hna lakin tampi cu an hun i òhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

³Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

⁴Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

⁵Cun keimah Daniel nih khua ka hei zoh i midang pahnih an dir ko kha ka hmuh hna, pakhat cu tiva hitilei kam ah a dir i a dang pakhat cu tiva khattelei kamah a dir.

⁶Cun pakhat nih cun puan hmangòhia aa aih i tiva a hnalei deuh ah a ummipa cu a hei chawnh i, “Hi hmelchunhnak hna hi an dongh tiangah zei can dah a rauh rih lai,” tiah a hal.

⁷Puan hmangòhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

⁸A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

⁹Cun a ka leh i, “Daniel va kal ko, zeicahtiah hi bia hna cu donghnak caan a phak hlantiang biathli le biathup ah chiah awk an si.

¹⁰Mi tampi cu an i thianh lai i an thiang lai, vaar virver in an um lai, sihmanhsehlaw miòhalo hna nih cun an hngal lai lo i òhat lonak kha an tuah lengmang ko lai, hruaitu fim hna lawng nih khan an hngalh lai.

¹¹Nifate in pekchanh tawnmi raithawinak kha an ngol i cucu Òhiotu Fihnung kha an bunh thawk in ni thong khat za hnih le sawm kua a rau lai.

¹²Ni thong khat za thum le sawm thum panga a dih tiang zumhawktlak tein a ummi hna cu thluachuakmi an si.

¹³Nang cu a donghnak tiangin zumhawktlak tein um ko. Cun na thi lai i chan donghnak caan ah na hmuh awk hnga kha co awkah nang cu na tho te lai,” tiah a ti.