Read Hakha Chin HOSEA 10 Bible Online

HOSEA 10 - Hakha Chin bible

HOSEA 10

¹Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakòheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

²An lungthin a sualmi, hi minung hna cu, an sual ruangah an tuar awk a si. Pathian hrimhrim nih an biakòheng cu a den dih hna lai i an biakmi an tung thiang cu a hau dih hna lai.

³Annih nih cun an i thawh lai i, “BAWIPA kan òih lo caah siangpahrang kan ngei lo; Asinain siangpahrang nih cun zei tal a kan tuahpiak kho hnga maw? an ti lai.

⁴A chim lawng kha an chim lengmang, Sullam ngei loin chiat kha an ser i biakamnak kha an tuah i Pakhat le pakhat taza i cuainak kha sivai a ngeimi belh leileh rinkhuar ah an khoh bantukin an kho.

⁵Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an òap i tlangbawi hna cu an ai, An sunparnak a simi an siasal ruangah cun mi cu lungrethei in an um.

⁶Siasal cu Assiria ah kalpi a si lai i Uktu Siangpahrang ngan cu laksawng ah va òhenh a si lai; Efraim cu ningzahnak nih a phak lai i Israel mi nih an nawl ngaih lonak ningzahnak kha an in lai.

⁷Samaria le a siangpahrang cu ti cung i aa vuanmi thing pelpawi bantukin fenh an si;

⁸Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakòheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

⁹Gibeah i sualnak an rak tuahnak thawk khan ka cung i sualnak tuah hi Israel mi nih an ngol rih lo. Cucaah ral nih Gibeah ah a phak hna lai.

¹⁰Hi misual miphun hi ka doh hna lai i dan ka tat hna lai. Anmah doh awkah miphun tampi kha an òang òi lai i an sualnak a tammi ruangah hin dantatnak an in lai.

¹¹Israel cu òha tein cawnpiak cangmi, facang cil zong a duh cangmi cawla bantuk a si; Sihmanhsehlaw aa dawhmi a hngawng ah khan thuantum khinh i leithuannak thingthluan tu kha òemchih awkah ka ruah cang; Judah cu leithuannak kha ka hnuhter i Israel cu leitlang dennak kha ka hnuhter.

¹²Annih cu ka thawh hna i, “Nan caah dinnak kha i tuh u law keimah lei i nan òannak nih a chuahpimi thluachuahnak kha zun tuah u. Nan dinhtermi vawlei kha òuan cang hna u, Zeicahtiah atu cu BAWIPA keimah leiah i mer caan a si cang i ka ra lai i thluachuahnak kan pek hna lai,” tiah ka ti.

¹³Sihmanhsehlaw nannih nih òhat lonak tu kha nan tuh i a theitlai kha nan zun. Nan lih chimmi nih a chuahtermi theitlai kha nan ei cang. Nannih nih nan rangleng hna le nan ralkap hna kha nan i bochan caah,

¹⁴Raltuknak cu nan mi hna cungah a tlung lai i nan ralhau vialte cu an rawk dih lai. Shalman siangpahrang nih Beth-arbel a rak hrawh i Nu le ngakchia a rak thah dih hna ni bantuk kha a si lai.

¹⁵Bethel khuami hna, nan tuahmi thil a òha lomi ruangah hihi nan cung i a tlung dingmi cu a si; Khua a dei hrimhrim lai bantukin Israel siangpahrang zong cu hloh a si hrimhrim ve lai.