Read Hakha Chin HOSEA 13 Bible Online

HOSEA 13 - Hakha Chin bible

HOSEA 13

¹Efraim phun mi nih bia an chim tikah midang nih khan an rak òih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.

²Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

³Cucaah cu mi hna cu zinglei minmei bantukin an òian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

⁴Sihmanhsehlaw Izipt ram in an chuahpitu hna nan Pathian BAWIPA kha ka si. Kha lioah khan cun keimah dah ti lo cu pathian dang zeihmanh nan hngalhmi hna an um lo. Keimah lawnglawng kha nan khamhtu ka rak si ko.

⁵Ram car, thetse ram ah khan kan zohkhenh hna.

⁶Sihmanhsehlaw ram òha chungah khan nan vung luh tikah nan paw a khim, nan thi a hnim i nan i porhlaw i nan ka philh.

⁷Cucaah nannih cu chiandeih bantukin kan zuanhnawh hna lai, Pawlai bantukin nan lam in kan bawh hna lai.

⁸A fa chuhmi vompi bantukin nannih cu kan zuanhnawh hna lai i kan thleh kan baoh dih hna lai. Chiandeih bantukin a hmunte ah khan kan ei dih hna lai i, Sahrang bantukin kan thleh cikcek hna lai.

⁹Nannih Israel mi, nannih cu kan hrawh hna lai, aho nih dah an in bawmh khawh hna lai?

¹⁰Siangpahrang kan pe, hruaitu kan pe, tiah nan ka hal. Sihmanhsehlaw cu hna cu khuazei ah dah an um kun?

¹¹Ka thinhun in siangpahrang cu kan pek hna, ka thinlinh in anmah cu ka lak òhan hna.

¹²Efraim sualnak cu cazual ah òem chih a si ko, A òhat lonak hna cu cazin chungah òial an si ko.

¹³Israel nih hin nun khawh nakding caah caan òha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

¹⁴Hi mi hna hi Sheol chungin ka khamh hna lai lo, Thihnak òhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak òhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

¹⁵Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

¹⁶Samaria nih a Pathian kha a doh caah a òiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.