Read Hakha Chin HOSEA 8 Bible Online

HOSEA 8 - Hakha Chin bible

HOSEA 8

¹Muko kha tum tuah, BAWIPA hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

²Annih nih keimah cu, kan Pathian na si an ka ti i annih cu, na mi kan si an ti,

³Sihmanhsehlaw a òhami thil kha an duh lo. Hi ruangah hin an ral nih an dawi hna lai.

⁴Siangpahrang kha an ser hna, sihmanhsehlaw keimah duhning in a si lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an i ser hna.

⁵Nan cawfa pathian cu an thu, maw Samaria; Ka thinhunnak cu an cungah a alh in a alh. Suallo tein an nun khi zeitik riamruam ah khin dik a hei si te lai.

⁶Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si òung lo; Samaria cawfa cu kuai cikcek in den a si lai.

⁷Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

⁸Atu cu Israel hi dolh a si cang, miphun hna lakah a lo cang, man ngei lo a si cang.

⁹Ramlak i a lemi laa bantukin an lung a òhawng i anmah tining lawngin kal an duh. Assiria kha bawmhnak va hal awkah an kal. Israel mi nih hin huhphenhnak hmuh awkah, miphun dang sinah khan an i zuar cang.

¹⁰Sihmanhsehlaw ka pumh hna lai i dan ka tat hna lai. Assiria siangpahrang nih a hrem hna tikah an i lawng len te lai.

¹¹Sual thianhnak caah tiin Israel mi nih biakòheng tam deuh an ngeih deuh paoh ah, sualnak hmun kha a karh chin lengmang ve a si ko!

¹²Cawnpiaknak kha rel cawk loin ca in ka òialpiak ko hna nain zeihmanh ah an rel hna lo.

¹³Annih nih raithawinak tuah le sa ei kha an duh ngaingai, Sihmanhsehlaw BAWIPA keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter òhan hna lai, asilole, Assiria ram ah rawl thianglo kha an ei lai.

¹⁴Israel nih inn òhaòha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn òhaòha hna cu a kangh dih hna lai.