Read Hakha Chin JOEL 2 Bible Online

JOEL 2 - Hakha Chin bible

JOEL 2

¹Zion ah muko kha tum tuah u, Ka tlang thiang cungah launak thawng kha thanh tuah u; BAWIPA cu a phak dengmang cang caah Judah ram chung i a ummi vialte cu ther dih hna seh.

²Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

³An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.

⁴Rangtum bu bantukin an ra chin lulhmalh ko, Raltuknak rang bantukin an ra le.

⁵Tlang cungah cun an i chaih ciammam i An thawng cu rangleng thawng bantuk le mei nih a kanghmi ramro thawng bantuk a si. Ralkapbu nganpi raltuk awk i an i tian bantukin an i tiang.

⁶An hmaiah cun miphun kha a ther in an ther i an hmai kha a daang dih.

⁷Ralkap nih ral an tuk bantukte khin an tuk ve; Vampang ah khan ralkap bantukin an kai. An dihlak tein hmailei kha an fuh cio i an i tinhmi kha an thleng lo,

⁸Pakhat le pakhat kha a pah zong an i pah lo. Hmailei an kal kha ngol hlei lo tein tiva chungah khan an i paih;

⁹Khuapi kha an nam, A vampang ah khan an kai, inn chungah khan an lut, Mifir bantukin thlalangawng in an lut.

¹⁰An hmaiah cun vawlei kha aa hnin i van kha an ther, Ni le thlapa kha an mui i arfi kha an ceu ti lo.

¹¹BAWIPA nih a ralkapbu cu khuari thawngin nawl a pek hna, Amah nawl a ngaimi ralkap hna cu a òhawngmi le rel cawk a si lomi an si. BAWIPA ni cu zeitluk in òih a nungmi le a liannganmi dah a si! Ahodah a ing kho lai?

¹²“Atu zong hmanh ah hin, nan lung tak tein i ngaihchih u law, rawl kha ul u law òap u law nan òang i cum tuah u.

¹³Nan puan si loin nan lung tu kha thlek tuah u,” tiah BAWIPA nih a ti. BAWIPA nan Pathian sinah cun ra kir òhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

¹⁴BAWIPA kan Pathian nih cun harnak ka tuah lai tuah a timi kha a hei leet òhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

¹⁵Zion ah muko kha tum tuah u, Rawl ulhnak kha thanh u law biaknak pumhnak kha au tuah u.

¹⁶Hmun khat ah mi kha pum hna u, a thiangmi pumhnak kha tim u, Upa kha au hna u, ngakchia kha pum hna u, hnuktlai lio ngakchia zong kha pum hna u. Aa òhi kate mi hna hmanh kha an khaan chung khan ra chuak hna seh law ra hna seh.

¹⁷BAWIPA rianòuantu tlangbawi hna kha innleng le biakòheng karah khan dir hna seh law òap hna seh law, “Maw BAWIPA, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

¹⁸Khi tikah BAWIPA nih a ram kha a zawn a ruah i a mi hna cungah zaangfahnak a ngeih kha a langhter.

¹⁹Annih nih an nawlnak kha a leh hna i, “Atu cu rawl le mitsur hang le chiti kha kan pek hna lai i khim tein nan um lai; Miphun dang nih nannih cu an in serhsat ti hna lai lo.

²⁰Chaklei in a rami òihnung cu nan sinin lam hlapi ah ka òhial lai i a ro i a carmi ram ah ka dawi lai, An hmaisuang pawl cu Rili Thi ah ka thlak hna lai i an hnudawn pawl cu Mediterranean Rili ah ka paih hna lai, Cun an ruak cu a thu lai. Hi thil hi zeicahdah ka tuah ti ahcun, nanmah cung i an tuahmi ruangah khan a si.

²¹Lo hna, nan thin phang hlah u, i lawm u law nan tha nuam u; Zeicahtiah BAWIPA nih nan caah thil tampi a tuah cang.

²²Saram hna, nan thin phang hlah u, Zeicahtiah phong cu an hring òhan lai i thingkung nih thei an tlai òhan hna lai i theipi le mitsur ruang cu tam piin an tlai òhan lai.

²³“Nannih Zion mi hna, BAWIPA nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i òhal caan ruah kha hmasa bantukin a ratter.

²⁴Phuhri cu rawl in an khat lai i Mitsur nennak khor cu mitsur hang le chiti in an liam lai.

²⁵Khaubawk bu ngan pipi nih nan ti le nan rawl an ei kum i nan sunghmi kha kan pek òhan hna lai. Hi ralkapbu an thlahhnawhtu hna kha keimah ka si.

²⁶Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu BAWIPA nan Pathian kha nan thangòhat lai. Ka mi cu zawmhtaih nan si ti lai lo.

²⁷Khi tikah Israel, nangmah nih na sin i ka um kha na hngalh lai i Pathian dang si loin, BAWIPA keimah cu, na Pathian ka si kha na hngalh lai. Cun ka mi cu ningzahnak nan ing ti lai lo,” tiah a ti.

²⁸“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

²⁹Khi ni ah cun, salpa hna le sal nu hna hmanh kha, ka thlarau ka toih hna lai.

³⁰“Cu ni a rat lai nakding hmelchunhnak hna cu van le vawlei ah ka langhter hna lai: Thisen chuahnak le mei le meikhu tlangtlang an si lai.

³¹A lian a ngan i òih a nungmi ni, BAWIPA ni cu a phak hlanah, Ni cu a mui lai i thlapa cu thisen bantuk in a sen lai.

³²Sihmanhsehlaw BAWIPA kha bawmhnak a halmi paoh nih khamhnak an hmuh lai. BAWIPA nih a chim bangin, Zion Tlang cungah le Jerusalem khuachung ka khatkhat ah, a luatmi hna cu an um lai. BAWIPA nih a thimmi hna cu an nung lai.”