Read Hakha Chin AMOS 1 Bible Online

AMOS 1 - Hakha Chin bible

AMOS 1

¹Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

²Amah nih cun, BAWIPA cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

³Hihi BAWIPA bia an si. Damaskas nih òhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih Gilead kha thir ha bunhmi facang cilnak thingtum in an cil.

⁴Cucaah Hazael inn chungah cun mei ka thlah lai i Cu mei nih cun Benhadad inn òhaòha vialte cu a kangh dih hna lai.

⁵Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu BAWIPA bia a si.

⁶Hihi BAWIPA bia an si: Gaza nih òhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

⁷Cucaah Gaza kulhnak vampang cungah khan mei ka thlah lai i Cu mei nih cun a ralhruang vialte kha a kangh dih hna lai.

⁸Ashdod i a ummi vialte hna le Ashkelon a uktu bawifung aa putmi vialte kha ka hloh dih hna lai; Ekron kha ka kut ka merhnawh lai i Filistin mi a tangmi hna kha an rawk lai. Cucu BAWIPA bia a si.

⁹Hihi BAWIPA bia an si: Tair nih òhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

¹⁰Cucaah Tair kulhnak vampang cungah khan mei ka thlah lai i Cu mei nih cun a ralhruang vialte cu a kangh dih hna lai.

¹¹Hihi BAWIPA bia an si: Edom nih òhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

¹²Cucaah Teman cungah mei ka thlah lai i Cu mei nih cun Bozrah ralhruang vialte kha a kangh dih hna lai.

¹³Hihi BAWIPA bia an si: Ammon mi hna nih òhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

¹⁴Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le òotho an hrang lai.

¹⁵Cun an siangpahrang cu a bawi hna he khan sal ah an kalpi hna lai. Cucu BAWIPA bia a si.