Read Hakha Chin AMOS 3 Bible Online

AMOS 3 - Hakha Chin bible

AMOS 3

¹Nannih Israel mi hna, BAWIPA, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

²Vawleicung miphun vialte lakah hin Nanmah lawnglawng hi kan theihhngalhmi hna nan si, Cucaah nan òhat lonak vialte ruangah hin dan kan tat hna lai.

³Mi pahnih nih hnatlaknak ngeih hmasa loin khual an tlawng òi bal maw?

⁴Chiandeih cu sa sehmi a ngeih lo ahcun tupi chungah a awn bal maw? Chiandeih tum no cu sehmi zeihmanh a ngeih lo ahcun a kua chungah a ngur bal maw?

⁵Coktarh a um lo ahcun vawlei i chiahmi rap ah khan va cu aa foih bal maw? Rap cu zeihmanh foih loin a pelh bal maw?

⁶Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu BAWIPA tuahmi a si lo maw?

⁷Bawipa PATHIAN nih aa tinhmi kha, a sal profet hna theihter hmasa loin zeihmanh a tuah bal lo.

⁸Chiandeih a huk, ahodah ningòi loin a um kho? Bawipa PATHIAN nih bia a chim: ahodah chim loin a um kho?

⁹Ashdod khua chung i siangpahrang inn hna le Izipt ram chung i siangpahrang inn hna ah cun va dir law, “Samaria tlang ah cun i pum tuah u law, Khika i tuainak a ummi kha le a mi hna lakah pakhat le pakhat i hremnak a ummi kha va zoh tuah u,” ti hna.

¹⁰An ralhruang chungah zaang-ennak le firnak in thil tampi a khong luaimaimi hna nih hin, dinnak kha zei a si tiah an hngal lo, tiah BAWIPA hrimhrim nih a ti.

¹¹Cucaah BAWIPA nih hitihin a ti: Ral nih ram cu an kulh lai i nan ralhau hna cu an bauh dih hna lai, Cun nan inn òhaòha hna cu an hrawh dih hna lai.

¹²Hihi BAWIPA bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh òhan khawh tawn bantukin, Samaria ram chung i ihkhun dawhdawh le òhutdan nuamnuam cung i a òhumi Israel mi hna lak khan a pelpawite ceo khamh an si lai.

¹³Ngai u law Jakob tefa hna kha theihter hna u. Mah hihi Bawipa PATHIAN Ralkapbu Pathian bia hrimhrim a si.

¹⁴Israel mi cu an sualnak ruangah dan ka tat hna ni ah Bethel i a ummi biakòheng cu dan ka tat hrimhrim lai: Biakòheng ki cu tan an si lai i vawlei ah an tla lai.

¹⁵Khualum caan ca inn le khuasik caan ca inn kha ka hrawh veve hna lai; Vuiho inn kha an rawk lai i inn ngan pipi kha an cim dih lai. tiah BAWIPA nih a ti.