Read Hakha Chin JONAH 2 Bible Online

JONAH 2 - Hakha Chin bible

JONAH 2

¹Cun Jonah nih nga pawpi chung cun BAWIPA a Pathian sinah thla a cam i,

²“Ka harnak chungin maw BAWIPA kan auh i na ka leh; Sheol paw chungin bawmhnak hal awkah ka au i ka aunak cu na ka theihpiak.

³A thuknak hmun, rili tawne ah khan na ka hlonh i ti nih khan a ka kulh dih, Na tilet òhawngòhawng hna cu ka cungin an kal.

⁴Na mit hmuhnak khan hlonh ka si cang i na biakinn thiang cu zeitikhmanh ah ka hmu ti lai lo, tiah ka ruah.

⁵Ti nih cun a ka phum i ka hrom a ka phih, Rili nih cun a ka khuh dih cikcek i rili chung belh nih ka lu an ka zelh.

⁶Tlang hna kehram hrimhrim kha ka vung phan, A kutka aa hrenh zungzalmi ram kha ka vung phan; Sihmanhsehlaw Maw BAWIPA, ka Pathian, a thukmi hmun chung khan nangmah nih na ka chuah.

⁷Ka nunnak kha a dih riahmah cang ti kha ka hngalh tikah, Maw BAWIPA, nangmah cu kan hngalh òhan i ka thlacamnak cu na sinah na biakinn thiang chungah khan a phan òhan.

⁸Santlailo siasal a biami hna nih cun nangmah sin i zumhawktlak in um kha an ngol,

⁹Sihmanhsehlaw kei nih cun nangmah thangòhatnak kha hla in ka sak lai i Nangmah sinah raithawinak kan pekchanh lai i Ka tuah lai, tiah bia kaa kammi kha ka tuah lai. Teinak cu BAWIPA ta a si,” tiah a ti.

¹⁰Cun BAWIPA nih nga sinah cun bia a chim i nga nih cun Jonah cu tikam ah a luak.