Read Hakha Chin JONAH 3 Bible Online

JONAH 3 - Hakha Chin bible

JONAH 3

¹BAWIPA bia cu Jonah sinah a voi hnihnak a phan òhan i,

²“Nineveh khualipi ah cun va kal cang law kan chimhmi bia cu va thanh tuah hna,” tiah a ti.

³Cucaah Jonah cu aa tim i BAWIPA nih a chimh bangin Nineveh khua ah cun a kal. Nineveh cu khua ngan tuk hringhran a si caah a chung cu ni thum lamkal a si.

⁴Jonah cu khuapi chungah cun a va lut i ni khat a kal hnuah khin, “Hi hnu ni sawm li chungah Nineveh hi a rawk lai!” tiah a au.

⁵Nineveh khuami nih cun Pathian bia cu an zumh. Zapi rawl ulhnak kan tuah lai i a hme bik in a ngan bik tiang, a mi kip nih buri kan i hruk lai, an ti.

⁶Cu thawng cu Nineveh khua siangpahrang nih a rak theih tikah a bawiòhutdan cung khan a tho i a siangpahrang puan kha aa phoih i buri kha aa aih i vutcam lakah a òhu.

⁷Cun Nineveh khua chungah khan thawngthanhnak a tuah i, “Mah hihi siangpahrang le a bawi hna nih an chuahmi nawlbia a si: Ahohmanh nih zeihmanh nan ei lai lo; minung nih siseh, saòil nih siseh, cawrun nih siseh, tuurun nih siseh, rawl nan ei lai lo, ram nan òam lai lo, ti nan ding lai lo.

⁸Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza òhalo kha nan hlawt hna lai i zaang-ennak nan tuah lengmangmi kha nan hlawt hna lai.

⁹Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

¹⁰Pathian nih an tuahmi kha a hmuh i an ziaza òhalo an hlawt kha a hmuh tikah aa ngaihchih i an cungah ka tlunter lai a timi òhat lonak kha a tlunter òhan lo.