Read Hakha Chin JONAH 4 Bible Online

JONAH 4 - Hakha Chin bible

JONAH 4

¹Hi kongah hin Jonah cu a lung a si hrimhrim lo i a thin a hung.

²Cucaah BAWIPA sinah cun thla a cam i, “Maw BAWIPA, ka ram chung i ka um liote khan, mah hite hi pei na tuah te òheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter òhan lo awkah a lung a thleng òhan tawnmi Pathian na si kha ka hngalh.

³Cucaah cun atu cu ka that ko. Ka caah hin nun nakin thih a òha deuh,” tiah a ti.

⁴Cun BAWIPA nih cun a leh i, “Cu ti tluk i thinhun awk cu na si hnga maw?” tiah a ti.

⁵Cun Jonah cu khuapi chung cun a chuak i nichuahlei ah a kal i a òhu. Khika ah khan nidem aa thlamh i a òhu i khua chungah cun zeidah a tlung lai ti kha a hngak.

⁶Khi tikah BAWIPA nih Jonah cungah cun umruang pakhat kha a hun zamter i i nuam lo tuk in a um nakhnga lo umruang nih cun thladem a hun demh; cucaah Jonah cu a lung aa lawm ngaingai.

⁷Sihmanhsehlaw a thaizing ah cun Pathian nih cu umruang cu rungrul pakhat a eiter i a thi.

⁸Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a òha deuh,” a ti.

⁹Sihmanhsehlaw Pathian nih a thawh i, “Umruang kong ah khan cu ti lawmmam cun maw na thin a hun ko?” tiah a ti. Cun anih nih, “Ka thin a hun tuk ah pei ka thih deng leh hi,” tiah a leh.

¹⁰Cun BAWIPA nih a thawh i, “Hi umruang hi zan khat ah a hung kho i a thaizing ah a lo òhan; hi umruang kong ah hin na tuahmi thil zeihmanh a um lo, nangmah nih na khohtermi a si fawn lo. Sihmanhsehlaw na lung a fak.

¹¹Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saòil rel cawk lo an umnak hi, zaangfah loin ka um awk a si hnga maw?” tiah a ti.