Read Hakha Chin NAMBAR 12 Bible Online

NAMBAR 12 - Hakha Chin bible

NAMBAR 12

¹Hezeroth i an um lioah khan, Miriam le Aaron nih Moses cu a òhitmi Kush minu ruangah khan an thangchiat; zeitintiah Kush minu cu a òhit caah.

²Annih nih, “Moses sin lawng in maw BAWIPA nih bia a chim? Kanmah sin zongin a chim ve lo maw?” tiah an ti. Mah cucu BAWIPA nih a theih.

³Moses cu vawleicung mi vialte lakah lungnem bik a si.

⁴Cun BAWIPA nih chikkhatte ah Moses le Aaron le Miriam sinah cun, “Ra chuak tuah u, nan pathum in, tonnak thlam ah cun,” tiah a ti. An pathum in an ra chuak.

⁵Cun BAWIPA cu minmei tung in a rung òum i thlam innka ah cun a dir i, Aaron le Miriam kha a kawh hna i an pahnih in hmailei ah an ra.

⁶Cun amah nih, “Ka bia ngai tuah u: Nannih lakah profet an um tikah BAWIPA keimah nih langhnak in an sinah kaa hngalhter i mang in ka chawnh hna.

⁷Sihmanhsehlaw ka sal Moses cu, cu bantuk cun a si lo; ka inn cu a dihlak in a kut chungah ka chiah;

⁸Amah cu hmaitonh in ka chawnh, holh thup in si loin fiang tein ka chawnh; cun amah cu BAWIPA mui zong a hmumi a si. A si kun ahcun zeicahdah ka sal Moses bia al cu nan òih kun lo? tiah a ti.

⁹Cun BAWIPA thinhunnak cu annih cungah a alh i a kal;

¹⁰cun minmei cu thlam cung cun aa òhial tikah, zohhmanh, Miriam cu thinghmui zawtnak ngeimi a si ko, hawhra bantukin a rang. Cun Aaron cu Miriam leiah a hei i mer i zohhmanh, mithinghmui a si ko ai.

¹¹Cun Aaron nih Moses sinah, “Maw, ka bawipa, dan kan tat sawh hlah, zeicahtiah hruh bu piin kan tuah i kan sual cang.

¹²Amah cu a nu paw chungin a chuah tikah a titsa a cheu a dih cangmi a thimi bantuk cu, siter sawh hlah,” tiah a ti.

¹³Cun Moses nih BAWIPA cu a auh i, “Maw Pathian, amah cu damter ko, tiah kan nawl,” tiah a ti.

¹⁴Sihmanhsehlaw BAWIPA nih Moses sinah cun, “A pa nih a hmaiah a cil chak seh law, cu hmanh ah cun ni sarih chung cu ningzak in a um lai lo mei? Amah cu riahhmun lengah ni sarih chuah si seh law, cu hnuah cun luhter a si òhan te lai,” tiah a ti.

¹⁵Cu bangin Miriam cu riahhmun lengah ni sarih chuah a si i mi cu Miriam luh a si òhan hlantiang cu i thawh loin an um.

¹⁶Cu hnuah cun Hazeroth in an i thawh i Paran ramlak ah khan riahhmun an khuar.