Read Hakha Chin NAMBAR 25 Bible Online

NAMBAR 25 - Hakha Chin bible

NAMBAR 25

¹Israel nih Shittim ah an um lioah Moab fanu hna he khan hlawh an hlang òi.

²Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

³Cu bangin Peor i Baal he cun Israel mi cu an i khitbanh i, BAWIPA thinhunnak cu Israel cungah a alh;

⁴BAWIPA nih Moses cu a chawnh i, “An haotu vialte kha la hna law, BAWIPA hmaiah ni tlang ah thlai hna, BAWIPA thinhunnak òihnung a simi cu Israel sinin aa mer nakhnga,” tiah a ti.

⁵Cun Moses nih Israel mi biaceihtu hna sinah cun, “Nan mi hna lakah Peor i Baal he aa khitbanh chihmi paoh cu nan thah hna lai,” tiah a ti.

⁶Cun zohhmanh, Israel mi pakhat cu a ra i Midian minu pakhat cu a innchungkhar hna sinah aa luhpi; mah cucu Moses hmuh le Israel mibu an ningpi hmuh ah a si, tonnak thlam innka i an òah lioah khan.

⁷Cun tlangbawi Aaron fapa Eleazar i fapa Phinehas nih mah cucu a hmuh tikah a tho i aa pummi sin khan a chuak i a kut in fei a put i

⁸Israel mipa cu innchung chin dal pakhat ah khan a hei zulh i, an pahnih in a chunh hna, Israel mipa le cu minu cu, minu cu a paw ah. Cucaah Israel mi sinin rai cu kham khawh a si.

⁹Asinain cu rai in a thimi cu sang hnih le thong li an si.

¹⁰Cun BAWIPA nih Moses cu,

¹¹“Tlangbawi Aaron fapa Eleazar i fapa Phinehas nih Israel mi sinin ka thinhunnak cu a mer cang, zeitintiah annih cu keimah nih ka òanh hna bangin a òanh ve hna, cucaah ka nahchuahnak nih Israel mi cu a that dih hna lo.

¹²Cucaah hi bangin, ‘Zohhmanh, amah cu ka daihnak biakamnak ka pek;

¹³mah cucu amah ca le a hnu i a tefa hna caah dong lo tlangbawi sinak biakamnak a si lai, zeicahtiah a Pathian kha a òanh i Israel mi caah remnak a ser,’ tiah va chim tuah,” tiah a ti.

¹⁴Midian nu he thahmi Israel mipa min cu Salu fapa Zimri a si; amah cu Simeon phun chung i hrin pakhat lu a si.

¹⁵Cun thahmi Midian minu cu Zur fanu Kozbi a si; Zur cu Midian miphun chung i hrin pakhat lu a si.

¹⁶Cun BAWIPA nih Moses cu,

¹⁷“Midian mi hna cu awlokchonh hna u law, that hna u,

¹⁸zeitintiah Peor ruang i rai a tlun ni i thahmi Midian bawi fanu, an far, Kozbi kong le Peor kong i an in hlen hnanak khan annih nih awlok an in chonh hna,” tiah a ti.