Read Hakha Chin MIKAH 3 Bible Online

MIKAH 3 - Hakha Chin bible

MIKAH 3

¹Cun kaa thawh i, “Nannih Jakob hruaitu hna, Israel uktu hna, ngai tuah u, A dingmi thil a duhtu kha nan si awk a si,

²Sihmanhsehlaw òhatnak kha nan huat i òhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

³Ka mi kha an sa nan ei hna, an cuar nan hawh hna; An ruh nan den hna i um chung i chuan awk sa bangin nan can hna,” ka ti.

⁴Khi tikah BAWIPA kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a òhalo tuk hringhran.

⁵Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a òhihtu hna profet hna nih an hlen cang hna. Hi profet hna kongah BAWIPA nih a chimmi bia cu hihi a si:

⁶Ka mi hna cu a pingah nan hruai hna caah langhnak zeihmanh nan hmu ti lai lo i zeihmanh nan rak chimchung kho ti fawn lai lo. Profet hna, nan ni cu a dong dengmang cang; ni nih an liamtak dengmang cang hna.

⁷Hmutu pawl si hna seh, mang ih thiam si hna seh an dihlak in an ning a zak lai; Pathian sinin lehnak zeihmanh a um lo caah an dihlak in an kaa an i hup lai.

⁸Sihmanhsehlaw kei tu cu BAWIPA thlarau nih òhawnnak le bia khiah thiamnak le ral òhatnak in a ka khahter i Israel mi hna cu an sualnak kha zeidah a si tiah ka chimh hna.

⁹Israel uktu hna, ka bia ngai tuah u, nannih dinnak kha a hua i òhatnak kha palhnak i a mertu hna, ngai tuah u.

¹⁰Pathian khualipi Jerusalem cu lainawnnak le dinlonak in nan sak.

¹¹Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in BAWIPA cu kan sinah a um, an ti dih. An i thawh i, “BAWIPA cu kan sinah a um lo mei? Harnak zeihmanh nih a kan tlunhnawh kho lai lo,” an ti.

¹²Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.